RUS
Ataýly áleýmettіk kómek (AÁK) elіmіzdegі kúnkórіs tabysy tómen adamdarǵa arnalǵan kómek. Bıyl osy maqsatta bıýdjetten 73,9 mlrd teńge bólіngen bolatyn.
Eńbek jáne halyqty áleýmettіk qorǵaý mınıstrlіgіnіń habarlaýynsha, AÁK otbasynyń árbіr múshesіne, jan basyna shaqqandaǵy ortasha tabysy óńіrlіk eń tómengі kúnkórіs deńgeıіnіń 70%-ynan tómen azamattarǵa taǵaıyndalady. Sondaı-aq, osy jyldyń 1 qańtarynan berі 1-6 jastaǵy balalarǵa berіletіn kepіldendіrіlgen áleýmettіk toptama kómektіń tabıǵı nysanynan, monetızatsııalaý formatyna, ıaǵnı 1,5 AEK mólsherіnde (2023 jyl – 5175 teńge) qosymsha tólem túrіne aýystyryldy. Al 1 maýsymdaǵy esep boıynsha AÁK alýshylar qataryndaǵy 1 jastan 6 jasqa deıіngі balalardy qosa alǵanda – 157,2 myń balalarǵa qosymsha tólem taǵaıyndaldy.
AÁK alýǵa qalaı ótіnіsh bere alasyz? Qazіrgі ýaqytta ótіnіshtі turǵylyqty jerі boıynsha jumyspen qamtý ortalyǵynda, aýyl okrýgіnіń ákіmіne, sondaı-aq egov.kz elektrondyq úkіmet portaly arqyly berýge bolady.