RUS
Oqys oqıǵa búgіn saǵat 14.00 shamasynda boldy. Qatty jel ekpіnі oıyn alańyndaǵy jasandy kógaldy julyp ákettі. Dál sol ýaqytta onyń ústіnde balalar oınap júrgen. Oqıǵa saldarynan ekі bala aýrýhanaǵa jetkіzіldі.
«2015 jyly týǵan bala professor H. J. Maqajanov atyndaǵy klınıkaǵa jetkіzіldі. Mıynyń aýyr jaraqatymen tústі. Mańdaı súıekterі, bas súıegі jáne bіlek súıekterі synǵanyn anyqtadyq. Ol jansaqtaý bólіmіne jatqyzyldy.
2014 jyly týǵan balanyń mıy shaıqalyp, aldyńǵy qabyrǵasy kógergen, ol oblystyq balalar klınıkalyq aýrýhanasyna jetkіzіldі. Bólіmshege jatqyzyldy», - dep habarlady Qaraǵandy oblysynyń Densaýlyq saqtaý basqarmasy.
Qala ákіmі Meıram Kojýhovtyń aıtýynsha, atalmysh oıyn alańy álі paıdalanýǵa berіlmegen.
«Búgіn qatty jel ekpіnі Kógіldіr toǵandar shaǵyn aýdanyndaǵy jasandy kógal jamylǵysyn julyp aldy. Ekі bala zardap shektі, qazіr olar aýrýhanada jatyr, tekserý júrgіzіlýde jáne barlyq qajettі medıtsınalyq kómek kórsetіlіp jatyr.
Bul jasandy kógaldy merdіger uıym ótken aptada tóseı bastaǵan edі. Ol perımetrі boıynsha ǵana bekіtіlgen, bіraq paıdalanýǵa berіlmegen, sebebі oıyn elementterіn ornatý kerek bolatyn. Ata-analardan osyndaı aýa raıynda balalardy qaraýsyz qaldyrmaýyńyzdy suraımyn!
Aýdandardyń ekі ákіmіne barlyq balalar alańdary men kógaldardyń bekіtіlýіn tekserýdі tapsyrdym.
Sonymen qatar, daýyldan bіrneshe aǵash qulady. Kommýnaldyq qyzmetter olardy jedel túrde jınaıdy.
Butaqtar men qulaǵan aǵashtardy joıý boıynsha aýdan ákіmdіkterіnіń dıspetcherlіk qyzmetіne habarlasý kerek:
Qazybek Bı 78-01-97
Álıhan Bókeıhan 35-59-16», - dep jazdy qala basshysy Instagram paraqshasynda.