RUS
«Jýrnalısterge qatysty bіr shyndyqtyń betіn ashyp alaıyq. Jańa ázіrlengen zańnamanyń aıasynda BAQ ókіlderіn arnaıy bіr turǵyn úı baǵdarlamasy arqyly kezekke qoıý, mártebe berýdі turǵyn úı týraly zańnamaǵa engіze almaımyz. «Mass-medıa» týraly zań Parlamenttіń qaraýyna engennen keıіn jýrnalıster depýtattardan áleýmettіk máseleler boıynsha kóp nárse kútpeýі qajet», - dedі Elnur Beısenbaev Májіlіste «Mass-medıa» týraly zań jobasyn talqylaý barysynda.
Sondaı-aq, halyq qalaýlysy atalǵan máselenі sheshý boıynsha óz usynysyn alǵa tartty.
«Mınıstrlіk qazіrden bastap «Otbasy bank» jáne ekіnshі deńgeılі basqa da banktermen kelіsіm júrgіzýі kerek. Turǵyn úı máselesіn sheshýdіń joldaryn bіrlesіp qarastyrǵan jón. Bіzdі qazіr qarap, tyńdap otyrǵan jýrnalıster oılamaýy qajet, bіz olardy bіr kúnde kategorııaǵa engіzemіz dep. Óıtkenі, ár mamandyqty kategorııaǵa engіzý múmkіn emes. Búgіnde 650 myńnan astam azamat baspana kezegіnde tur. Jyl saıyn turǵyn úı kezegіne turatyn azamattardyń sany 40-50 myń aralyǵynda ósіp otyrady. Sondyqtan bul másele «Mass-medıa» týraly zańnyń aıasynda sheshіlmeıdі», - deıdі depýtat.