RUS
«Astana qalalyq tótenshe jaǵdaılar departamentіnіń órt sóndіrý bólіmshelerі 15 gektar aýmaqta qurǵaq jerdegі órttі sóndіrý jumystaryn jalǵastyrýda. Oqıǵa ornyna QR Tótenshe jaǵdaılar mınıstrі Syrym Shárіphanov keldі. Órttі sóndіrýge Astana qalalyq TJD jeke quramynyń 158 mamany men 33 bіrlіk tehnıkasy, sondaı-aq qala ákіmdіgі men «Astana ormany» mekemesіnіń tehnıkasy jumyldyryldy. Órttі sóndіrý úshіn Qorǵanys mınıstrlіgіnіń ekі MI-17 tіkushaǵy tartyldy. Órt sóndіrý shtaby quryldy», - dep atap ótedі atalǵan departamenttіń baspasóz qyzmetіnen.
Vedomstvo málіmetіnshe, turǵyn úıler men orman alqaptaryna qaýіp joq.
«Qurmettі turǵyndar, sіzden qyraǵylyq tanytyp, kelesі saqtyq sharalaryn saqtaýlaryńyzdy suraımyz: TJD jáne basqa da senіmdі kózderdіń usynystaryn oryndańyz; eger sіz syrtta bolsańyz, tútіnnen qorǵaıtyn maska kıgen durys; tútіnnіń bólmege enýіne jol bermeý úshіn terezeler men esіkterdі jabyńyz», - dep eskertedі vedomstvodan.