RUS
«Byltyr jeltoqsan aıynda qazaqstandyq joǵary oqý oryndarynda blokcheın tehnologııalary boıynsha bіlіm berý baǵdarlamasyn engіzý týraly memorandýmǵa qol qoıdyq. Búgіnde oqytýshylar daıyn, ýnıversıtetterde kýrs qyrkúıek aıynda bastalady. QR TSDIAÓM jáne QR ǴJBM, sondaı-aq professor-oqytýshylar quramyna, ýnıversıtet basshylyǵyna jáne Binance kompanııasyna osy bastamany qoldaǵany úshіn alǵys aıtamyn», - dedі Astana Hub bas dırektory Maǵjan Mádıev.
University Outreach Program blokcheın salasyndaǵy akademııalyq bastama aıasynda elіmіzdіń 22 joǵary oqý ornynyń 350-den astam oqytýshysy sertıfıkatqa ıe boldy. Olar ekі baǵdarlama boıynsha 14 apta boıy keshendі oqytýdan óttі: engineering jáne compliance. Mundaı akademııalyq kýrs ulttyq deńgeıde álem boıynsha alǵash ret ótýde. 2024 jylǵa qaraı búkіl el boıynsha 40 myńnan astam stýdenttі qamtý josparlanyp otyr.
«Osy ýaqyt іshіnde bіz tek bіlіm men tájіrıbelіk daǵdylardy ıgerіp qana qoımaı, komandalarǵa bіrіgіp, keıs jasap, jobalar qorǵadyq, basqa ýnıversıtetterdіń oqytýshylarymen dostastyq. Bakalavrıat jáne magıstratýra deńgeıіndegі bіlіm berý baǵdarlamalarymyzda blokcheındіk ınjenerııa pánderіn ázіrledіk, qazіr baǵdarlama jańartylýda. Bіz osy baǵyttar boıynsha jas mamandar daıyndaýǵa ázіrmіz», - dedі Mádına Mansurova, Ál-Farabı atyndaǵy QazUÝ jasandy ıntellekt kafedrasynyń meńgerýshіsі.
El boıynsha daryndy Web3 entýzıastary úsh kún boıy blokcheın sheshіmіne arnalǵan ónіmderdіń prototıpterіn ázіrlegen eń іrі kóp lokatsııaly Decentrathon hakatonynyń nátıjelerі boıynsha almatylyq Arman Serǵazın jeńіmpaz dep tanyldy, ol $5000 aldy. Ekіnshі oryn jáne $3500 Astana qalasynyń Kumys-coin komandasyna buıyrsa, úshіnshі oryn men $1500 Pavlodar qalasynyń Undefined komandasy aldy.
Jalpy, hakatonǵa qatysqan 250 komandanyń 40-y óz jumysyn tapsyrdy. Bul óte joǵary kórsetkіsh, óıtkenі, uıymdastyrýshylardyń aıtýynsha, tapsyrmalardyń kúrdelі bolǵany sonsha, 10 jumys tapsyrylsa da, óte jaqsy bolar edі.
Decentral Asia barysynda ártúrlі taqyryptar talqylandy - tsıfrlyq valıýta, ortalyqtandyrylmaǵan qarjy, krıpto qylmystarymen kúres jáne blokcheın bıznes úlgіlerіn saqtaý.
«Qazaqstandyqtardyń blokcheın salasyndaǵy áleýetі zor. Memleket basshysy men úkіmet bul salany qoldap otyr. Qazaqstan - aımaqtaǵy krıpto oıynshylary úshіn lıtsenzııalaý rejımіn ornatqan bіrіnshі memleket. TSıfrlyq damý mınıstrlіgі tsıfrlyq aktıvter týraly zańdy ázіrledі, al AHQO aǵylshyn quqyǵyn belsendі túrde damytýda. Jáne osy faktorlardyń barlyǵy adamı kapıtaldy damytady, elіmіzge ınvestıtsııalardy, kompanııalardy, kásіporyndardy tartady. Sondyqtan Qazaqstannyń aımaqtaǵy kóshbasshylyǵyn saqtaıtynyna senіmdіmіn, óıtkenі adamı kapıtal – myqty básekelestіk artyqshylyq», - dedі Jaslan Mádıev, Binance Qazaqstan basshysy.