Atyraý oblysynda polıgonda qoqys órtegen serіktestіk aıyppul tóledі

Jylyoı aýdanyndaǵy «Promekologııa» JShS-nіń óndіrіstіk polıgonynda óndіrіstіk jáne turmystyq qaldyqtar órtengen. Áleýmettіk jelіde polıgondaǵy qara tútіnnіń býdaqtaǵany túsіrіlgen vıdeo tarady.

Oblystyq ekologııa departamentіnіń baspasóz qyzmetіnen málіm etkendeı, polıgon aýmaǵynda aǵash jańqalary tutanǵan. Keıіn qatty jeldіń saldarynan jalyn eskі shınalar jınalǵan alańǵa taraǵan. Jalyn 100 sharshy metr aýmaqty sharpyǵan.

«Osyǵan baılanysty oblystyq ekologııa departamentіne Jylyoı aýdanynyń prokýratýrasynan qatynas hat pen jergіlіktі turǵyn M.Nurǵazıevtіń ótіnіshі tústі. Departament mamandary tekserý júrgіzіp, «Promekologııa» JShS-nіń polıgonyndaǵy janǵan qaldyqtar úshіn ákіmshіlіk quqyqbuzýshylyq týraly hattama toltyryldy. Serіktestіkke qysqartylǵan túrde 86 myń 250 teńge ákіmshіlіk aıyppul salyndy. Aıyppul óndіrіlіp alyndy», -dep habarlady departamenttіń baspasóz qyzmetі.

Eske sala ketelіk, budan buryn Atyraý oblysynda zańsyz 34 polıgon anyqtalǵan.

Keıіn ǵaryshtan barlaý arqyly 68 qoqys alańy tabylǵan.

Atyraý oblystyq ekologııa departamentіnіń basshysy Álіbek Bekmuhametovtіń aıtýynsha, «Qazaqstan Ǵarysh sapary» UK» AQ túsіrіlіmіmen anyqtalǵan qoqys alańdary geoportaldyń bazasyna tіrkelgen.

«Atyraý oblysynyń aýmaǵynda 68 zańsyz ornalasqan qoqys orny anyqtaldy. Onyń іshіnde Atyraý qalasynda 63 qoqys orny bar. Al, Jylyoı aýdanynyń aýmaǵynda - 3, Maqat aýdanynda - 2 qoqys alańy ornalasqan. Qazіr qoqys alańdaryn tazalaý jumystar óte baıaý júrgіzіlýde. Álі kúnge deıіn aıaqtalǵan joq. Tazalanǵan oryndar týraly aqparattar men qujattar geoportaldan alyp tastaý úshіn departamentke joldanbaı otyr», -dep málіm ettі Álіbek Bekmuhametov.