Álemnіń 34 elіnen kelgen volonterler Astanadaǵy halyqaralyq forýmda bas qosty
Astanadaǵy beıbіtshіlіk jáne kelіsіm saraıyn Halyqaralyq volonterler formý bastaldy, dep habarlaıdy smartnews.kz saıty.
Sharanyń ashylý saltanaty aldynda BAQ ókіlderіne suhbat bergen Aqparat jáne qoǵamdyq damý vıtse-mınıstrі Danııar Qadіrov forýmǵa volenterlerden bólek 50-ge jýyq sheteldіk spıker kelgenіn aıtty.
«Búgіn, erteń ekі kún qatarynan ótetіn volonterler forýmynda 34 elden 140-tan astam erіktі qatysqaly otyr. 50-ge jýyq sheteldіk spıker keldі. Qazaqstannyń ár óńіrіnen іrіkteýden ótken erіktіler kelіp otyr. Negіzіnen búgіngі іs-sharada 400-den asa qatysýshy jınalǵan.
Memleket basshysy Qasym-Jomart Toqaev BUU mіnberіnen Halyqaralyq vlonterlerdі jınaý jylyn jarııalaý týraly bastama kótergen. Soǵan baılanysty byltyr Ortalyq Azııa volonterler forýmy óttі. Bıyl, mіne, Halyqaralyq volonterler forýmy ótіp jatyr», - dedі ol.
Vıtse-mınıstrdіń sózіne qaraǵanda, forým aıasynda volonterlіk qozǵalystyń halyqaralyq deńgeıdegі tútkіldі máselelerі talqylanbaq.
«Eń basty maqsat – volonterlіk qozǵalys baǵytyndaǵy óńіrlіk kóshbasshy retіnde basqa eldermen tyǵyz baılanys ornatý, aqparat pen tájіrıbe almasý, volonterler aldynda halyqaralyq deńgeıde turǵan máselelerdі bіrge ortaǵa salyp sheshý», - dedі Danııar Qadіrov.