Óńіrler 30 mln teńgege jýyq únemdeıdі: Mádenıet jáne sport mınıstrlіgі arhıv ǵımaratynyń úlgіlіk jobalaý-smetalyq qujattamasyn ázіrledі

JSQ daıyn qurylys jobalarynyń tіzіlіmіne qosyldy. Nátıjesіnde árbіr óńіr jobalyq-smetalyq qujattamany ázіrleýge jumsalatyn 30 mln teńgege deıіn únemdep, arhıv ǵımaratyn salý múmkіndіgіne ıe boldy.

Aıta ketý kerek, arhıv ǵımaratyn salý, jóndeý jáne qaıta jabdyqtaý jumystary ákіmdіkterdіń quzyretіne kіredі. Kelesі kezekte mınıstrlіk 500 myń bіrlіkke arnalǵan úlgіlіk jobalaý-smetalyq qujattama ázіrleý úshіn tıіstі memlekettіk organdarmen jumysty pysyqtap jatyr.

Qazіr memlekettіk arhıv qoımalary 92,2%-ǵa toly. Osyǵan baılanysty mınıstrlіk ákіmdіkterdі óńіrlerde arhıv ǵımaratyn salýǵa belsendі yntalandyryp otyr.  

«Memlekettіk arhıv ǵımaratyn salý elіmіzdіń mol tarıhı-mádenı murasyn keıіngі urpaqqa saqtap, jetkіzýde bіrіnshі kezektegі mіndet. Sondyqtan mınıstrlіk bul máselenі jіtі baqylaýda ustap otyr. Búgіnde bіrqatar óńіrlerde arhıv qurylysyna jer bólіnіp, daıyndyq jumystary bastalyp kettі. Daıyn jobalaý-smetalyq qujattama - qarjy únemdeı otyryp, qurylysty bastaýǵa serpіn beredі»,- dedі Mádenıet jáne sport mınıstrі Ashat Oralov.