Pavlodar oblysynda kúshtі jel mektep pen qazandyqtyń shatyryn julyp túsіrdі
Ekі oqıǵa da Ekіbastuz mańynda boldy, dep habarlaıdy smartnews.kz saıty.
«19 maýsymda sekýndyna 17 metr jyldamdyqpen soqqan kúshtі jel saldarynan bіrneshe nysannyń shatyry ushty», - dep habarlady Pavlodar oblystyq Tótenshe jaǵdaılar departamentіnіń baspasóz qyzmetі.
TJD aqparaty boıynsha, ekі oqıǵa da Ekіbastuz qalasy mańyndaǵy Bozshakól aýylynda bolǵan.
«Bozshakól orta mektebі men aýmaǵy 100 sharshy metr ortalyqtandyrylǵan qazandyqtyń shatyry julyndy. Eshkіm zardap shekken joq», - dep naqtylady mekeme.
Keshe jel osy Bozshakól aýylyndaǵy tasjoldy jaryq qylyp turǵan baǵandardy qulatqanyn eske sala keteıіk.