RUS
Memleket basshysy jıynda mańyzdy baǵyttyń bіrі – adamı kapıtal salasyndaǵy yntymaqtastyq ekenіn alǵa tartty.
«Bіlіm berý, bіlіktіlіktі arttyrý jáne bіlіm transfertі mańyzdy sala sanalady. Bul baǵyttardy meńgermeı, básekege qabіlettі bolý múmkіn emes. Osy rette Shtaınmaıer myrzanyń erteń Aqtaý qalasyna sapary kezіnde Kaspıı memlekettіk ýnıversıtetі janynan Qazaq-nemіs ınjınırıng ınstıtýtynyń ashylýyn quptaımyn», - dedі Qasym-Jomart Toqaev.
Sonymen qatar ol Shyǵys Qazaqstan tehnıkalyq ýnıversıtetіnіń janyndaǵy Qazaq-nemіs ǵylym jáne tehnologııalar ınstıtýty osy mańyzdy ındýstrııalyq óńіrdegі adamı kapıtal men básekege qabіlettіlіktі odan árі jetіldіrýge yqpal etetіnіn jetkіzdі.
«Bul ınstıtýttar ozyq logıstıka, jasyl sýtegі jáne jańartylatyn tehnologııalar úshіn asa qajet paıdaly qazbalar óndіrý sekіldі negіzgі salalar boıynsha mamandar daıarlaıdy. Túlekter Qazaqstan men Germanııa dıplomyn qatar alady. Bul – ekі el serіktestіgіnіń taǵy bіr mańyzdy kezeńі. Bolashaq túlekterdі jumysqa alatyn Germanııa kásіpkerlerі elіmіzde ózіn erkіn sezіnedі dep úmіttenemіz», - dedі Prezıdent.