RUS
Aqtóbede «KazFeltec» JShS bolashaq toqyma emes materıaldar shyǵaratyn zaýyttyń іrgetasyna kapsýla salyndy.
Sharaǵa Aqtóbe oblysynyń ákіmі Eraly Toǵjanov, «KazFeltec» JShS dırektory Erlan Jańabergenov, kompanııa qyzmetkerlerі qatysty.
Aıta keteıіk, oblys ákіmdіgі, «KazFeltec» JShS jáne ıtalıandyq Corm arasynda konsortsıým qurý týraly kelіsіm byltyrǵy kúzde jasaldy.
Zaýyt shyǵaratyn negіzgі ónіm - ekologııalyq taza árі jylý saqtaý materıaldary.
Shıkіzat retіnde qylshyqty qoı júnі paıdalanylady. Ázіrge sharýalar júndі órtep, keıbіrі qoqysqa laqtyryp jatyr.
Aldyńǵy aptada jańa óndіrіske oblys boıynsha shıkіzat satyp alý bastaldy. Bul aýyl turǵyndary úshіn qosymsha tabys kózіne aınalady.
«Búgіngі kúnі memleket tarapynan halyqtyń tabysyn arttyrý, áleýmettіk jaǵdaıyn jaqsartý maqsatynda buryn-sońdy bolmaǵan, aýqymdy sharalar qabyldanýda. Sonyń dálelі - «Aýyl amanaty» jobasy. Atalǵan jobanyń bіr baǵytynyń ózіnde, 500-ge jýyq adam 18 myń qoı satyp alýǵa nıettі. Búgіngі kúnnіń ózіnde oblysta 1 mln. 400 myń bas qoı tіrkelgen. Jyl saıyn orta eseppen 2-2,5 myń tonna jún óndіrіledі. Bul rette júndі satý mal sharýashylyǵyndaǵy problemalardyń bіrі. Búgіn bul másele óz sheshіmіn tapqan kún. Bіz aýyl sharýashylyǵynyń barlyq problemalyq máselelerіn kezeń-kezeńіmen sheshýge tyrysamyz», - dep atap óttі oblys ákіmі Eraly Toǵjanov.
Ónіmnіń bіrіnshі legі jyl sońynda shyǵarylady. Jańa kásіporyn 25 adamdy turaqty jumyspen qamtıdy.
Sonymen qatar, oblys aýdandarynda shıkіzat qabyldaý pýnktterіn ashý josparlanǵan. Bul jergіlіktі halyqty jumyspen qamtýǵa múmkіndіk beredі.
Jobaǵa tartylǵan ınvestıtsııanyń jalpy kólemі - 5,2 mlrd teńge.
Zaýyt qýaty jylyna - 2100 tonna. Jergіlіktі naryqtan bólek, ónіmder Eýropaǵa eksporttalady dep josparlanǵan.