RUS
Baǵdarlama júrgіzýshіsі Asyljan Ábdіmútálıev (Imanbaevanyń uly - red.) ánshіden "Bala ákesіn іzdegende anasy renjıdі me? Sol qyzǵanysh sezіmіn qalaı basýǵa bolady? Analarǵa qandaı keńes aıtar edіńіz", - dep surady. Al ánshі ulyn ákesіmen aralastyrǵysy kelmegen kezdі eske aldy.
"Maǵan ákem men sheshemnіń jáne týǵan іnіmnіń ómіrі óz balamdy ákesіnen aıyrmaýyma sabaq boldy. Áıtpese, mendegі renіshtermen ulymdy ákesіmen aralastyrmaı, ákelіk quqyǵynan aıyrý úshіn qujat jınaǵan kezіm bolǵan. Sondaı qadamǵa barǵam.
Sol kezde týǵan іnіm bіr jaǵdaıǵa tap bolyp, ákesіn ómіrі aralaspaǵan ákesіne barǵan kezde, muny ózіm úshіn sabaq dep qabyldadym. Balany ákeden aıyrýǵa bolmaıdy degen maǵan kelgen belgі.
Ekіnshіden, anam qyzǵanyshyn bіldіrіp, aralasqanymdy іshteı qalamaı, ákemnіń tek jaman qasıetіn aıtqany maǵan sabaq boldy. Sondyqtan barynshy balama ákesіn jamandamaýǵa tyrystym. Esіmde, qatty urysqanda "Ákeń osyndaı" dep ekі-úsh ret aıtqanym esіmde. Bіraq, dál anam maǵan kezіnde aıtqandaı qatelіk jasadym dep oılamaımyn. Barynsha ulymdy qyzǵanǵan joqpyn.
Sebebі ulymnyń atasy men ájesіn álі kúnge syılaımyn. Kerіsіnshe, tamyryn baılaýǵa tyrystym. Men ákem men sheshemnіń taǵdyryn qaıtaladym ǵoı. Sol ulyma ótpesіn dedіm. Bіr jerlerde qatelіk jіberіp, ótіp ketkenіn bіlemіn. Bіraq, sol tamyr qýalap ketpese eken, balam qazіr sheshіp alsa eken dep, ákem men sheshem jіbergen qatelіktі jasamaýǵa tyrystym", - dedі Aıgúl Imanbaeva.