RUS
QR Prezıdentі Qasym-Jomart Toqaev pen Germanııa Prezıdentі Frank-Valter Shtaınmaıerdіń qatysýymen ótken Qazaqstan-Nemіs ýnıversıtetterі rektorlarynyń forýmy aıasynda D.Serіkbaev atyndaǵy Shyǵys Qazaqstan tehnıkalyq ýnıversıtetі jáne Qazaqstan-Germanııa ýnıversıtetі metallýrgııa jáne taý-ken іsі salasynda ǵylym jáne tehnologııa ınstıtýtyn ashý týraly negіzdemelіk kelіsіmge qol qoıdy.
Kelіsіm boıynsha Metallýrgııa jáne paıdaly qazbalardy óndіrý salasyndaǵy ǵylym jáne tehnologııalar ınstıtýty qurylyp, ınjenerııa salasyndaǵy úzdіk nemіs tájіrıbesі elіmіzde qolǵa alynady. Joba maqsaty – elіmіzdіń Shyǵys óńіrіn órkendetý, ál-aýqatyn jáne ornyqty damýyn júzege asyrý úshіn zertteýler, bіlіm jáne ınnovatsııa «bіlіm úshtіgіne» negіzdelgen platforma qurý.
«Ǵylym jáne joǵary bіlіm salasyndaǵy saıasat bіlіm men ǵylymdy ınternatsıonaldandyrýdy keńeıtýge, turaqty jáne tıіmdі baılanystardy qalyptastyrýǵa baǵyttalǵan. Yntymaqtastyq negіzі úsh túrlі baǵytta júrgіzіledі. Bіrіnshіsі, bіlіm berý. Bul metallýrgııa, mashına jasaý, geologııa jáne taý-ken іsі, paıdaly qazbalardy baıytý, turaqty damý baǵyttary boıynsha ekі dıplomdy jáne bіrlesken kadrlar daıarlaý. Ekіnshі baǵyt - metallýrgııa jáne materıaltaný, geodezııa, geologııa jáne taý-ken іsі, turaqty damý salasyndaǵy bіrlesken zertteýler. Úshіnshі baǵyt – ınnovatsııalar, ǵylym men óndіrіstіń ınnovatsııalyq klasterіn, bіrlesken ǵylymı jáne startap jobalardy іske qosý», - dedі D. Serіkbaev atyndaǵy ShQTÝ Basqarma tóraǵasy-rektor Sáýle Rahmetýllına.
Metallýrgııa jáne paıdaly qazbalardy óndіrý salasyndaǵy ınstıtýttyń qurylýy el ǵylymyn jáne tehnologııalaryn damytýdaǵy, sondaı-aq ekі el arasyndaǵy dostyq qatynastardy nyǵaıtýdaǵy mańyzdy qadam bolyp otyr.