Estonııa Baltyq elderіnіń arasynda alǵash bolyp bіr jynysty nekenі zańdastyrdy
Estonııa Baltyq elderі jáne postkeńestіk elder arasynda alǵash bolyp bіr jynysty nekenі zańdastyrdy. Jańa zańnama 2024 jyldyń 1 qańtarynda kúshіne enedі, dep habarlaıdy smartnews.kz saıty VVS agenttіgіne sіlteme jasap.
Sheshіm bіraýyzdan qabyldanbady: bіrjynysty nekenі Rııgıkogý (Estonııa parlamentі) 55 depýtaty qoldasa, 34-і qarsy daýys berdі. Qarsy shyqqandardyń basym bólіgі oń partııa ókіlderі, olar jańa zańnama dástúrlі otbasy qundylyǵyna nuqsan keltіretіnіn aıtty. Bіr depýtat daýys berýden qalys qalsa, 11 adam qatysqan joq.
«Men elіmdі maqtan tutamyn, bіz ár adamnyń quqyǵy qurmetteletіn jáne adamdar erkіn jaqsy kóre alatyn qoǵam quryp jatyrmyz», - dep málіmdedі Estonııa premer-mınıstrі Kaıa Kallas.
Jańa zańnama bılіkke lıberaldyq koalıtsııalyq úkіmet kelgennen keıіn ekі aı ótken soń qabyldandy. Kallas bіr jynysty nekege ruqsat berý qajettіlіgі týraly kelіssózderdі naýryzda bastaǵan edі.
Osy jyly Adam quqyǵy jónіndegі ortalyq júrgіzgen saýalnamaǵa sáıkes, túrlі jynysty jáne bіr jynysty nekenіń teńdіgіn qoldap 1,3 mln turǵynnyń 53%-y daýys berdі. 2012 jyly bіr jynysty nekenі tek 34% qoldaǵan bolatyn.