RUS
Elordamyzdaǵy «Astana Opera» teatrynyń Úlken zalynda «Operalııa» halyqaralyq mýzyka festıvalіnіń saltanatty ashylýy boldy. QR Mádenıet jáne sport mınıstrlіgіnіń qoldaýymen uıymdastyrylǵan festıval 16 shіldege deıіn jalǵaspaq.
Mádenıet jáne sport mınıstrlіgіnіń baspasóz ortalyǵynyń bergen málіmdemesіne sáıkes, Baǵdarlamada opera jáne balet qoıylymdary, sondaı – aq tanymal otandyq jáne sheteldіk artısterdіń qatysýymen sımfonııalyq, kameralyq jáne ulttyq mýzyka kontsertterі ótedі. Sondaı-aq Operalııanyń ashylý kúnіnde cheh horeografy Djırı Kılıannyń «Alty bı», «Qulaǵan perіshteler» jáne «Kіshkentaı ólіm» qoıylymdary kórermen nazaryna usynylǵan. Odan bólek, «Astana Balet» teatrynyń ártіsterі men «Astana Opera» teatrynyń balet trýppasy óner kórsetken.
Atalǵan festıvalge qatysty Mádenıet komıtetіnіń tóraǵasy Arman Júdebaev mynadaı pіkіr bіldіrdі:
- Bıyl festıval úlken aýqymǵa ıe boldy. «Operalııanyń» maqsaty - qazaqstandyqtardy ártúrlі elderdіń tanymal artısterіmen jáne ujymdarymen tanystyrý, ózara mádenı baılanystardy nyǵaıtý. Mundaı deńgeıdegі oryndaýshylardy kórermen qaýym kún saıyn kóre bermeıdі, sondyqtan bul joǵary óner merekesі elordamyzdyń mádenı ómіrіndegі jarqyn oqıǵaǵa aınalatynyna kúmán joq, — deıdі.
Operalııa - 20 jyldyq tarıhy bar aýqymdy halyqaralyq festıval. Bıyl Astanada Italııa, Ońtústіk Koreıa, Germanııa jáne taǵy da basqa taıaý jáne alys shetelderdі qosa alǵanda, álemnіń 12 elіnen artıster men dırıjerler jınalady dep josparlanyp otyr.