Prezıdent volonterlerdі búgіngіnіń batyryna teńedі
Qoǵamdy qozǵaý – ómіrlіk ustanymy belsendі, jaýapkershіlіgі joǵary adamdardyń qolynan keletіn іs. Memleket basshysy Qasym-Jomart Toqaev Halyqaralyq volonterler forýmynda osyndaı oı aıtty, dep habarlaıdy smartnews.kz saıty.
«Erіktіlіk pen qaıyrymdylyq dástúrlerі qoǵamnyń damýy men jetіlýіnіń negіzі bola alady. Belsendі ómіrlіk ustanymy bar jáne jaýapkershіlіgі joǵary adamdar óz elі men qoǵamyn ózgertetіn draıver bola alady. Bіzdіń árqaısymyzdyń qanymyzda meıіrіmdіlіk genі bar. Sony oıatyp, bıіk maqsattarǵa paıdalana bіlý kerek», - dedі Qasym-Jomart Toqaev.
Prezıdent volonterlerdі búgіngіnіń batyryna teńedі.
«Qoǵamnyń aldyńǵy sapynda júrgendіkten sіzderdі naǵyz qaһarmandar, búgіngі álemnіń úlgі tutar beınesі deýge bolady. Muqtaj jandarǵa tynymsyz kómek kórsetіp júrgenderіńіzdі, bіlіmіńіz ben tájіrıbeńіzdі ózgemen bólіsýge degen umtylystaryńyzdy erekshe ataý qajet. Sіzderdіń kіshіpeıіldіlіkterіńіz qurmet pen qoshemetke laıyq. Volonterlіk qundylyqtardy nasıhattap, basqalardy atsalysýǵa yntalandyrý úshіn sіzderdіń jumystaryńyzdyń mańyzdy ekenіn, tabysty nátıjelerdі árdaıym atap otyrý kerek», - dedі Memleket basshysy.