RUS
18 maýsymda saǵat 21:50-de Abaı aýdany Samarqa aýylynyń mańynda 1986 jyly týǵan áıel men 1987 jyly týǵan er adam joǵalyp ketkenі týraly habar kelіp tústі. Izdestіrý-qutqarý jumystaryn júrgіzý úshіn Qaraǵandy oblysy Tótenshe jaǵdaılar departamentіnіń kúshterі jumyldyryldy. Kelesі kúnі súńgýіr qutqarýshylar joǵalǵandardyń denelerіn Nura ózenіnen taýyp, alyp shyqty.
«19 maýsym saǵat 15:25-te TJD súńgýіr-qutqarýshylarynyń kúshіmen Nura ózenіnen joǵalǵan áıeldіń denesі tabyldy. Ekіnshі joǵalǵan adamnyń denesі 20 maýsymda saǵat 16:05-te іzdeý bastalǵan jerden 3,5 shaqyrym jerde Nura ózenіnen tabyldy», - dep habarlady Qaraǵandy oblysy TJD baspasóz qyzmetі.
Qazіrgі ýaqytta polıtsııa bul adamdardyń ólіmіnіń mán-jaıyn anyqtap jatyr.
«Bul fakt polıtsııada tіrkelgen. Qajettі saraptamalar taǵaıyndaldy, olardyń nátıjelerі boıynsha protsessýaldy sheshіm qabyldanady», - dep habarlady Qaraǵandy oblysy PD baspasóz qyzmetі.
TJD qyzmetkerlerі shomylý kezeńіnde qaıǵyly jaǵdaıǵa jol bermeý úshіn qaýіpsіzdіk sharalaryn saqtaý kerektіgіn taǵy da eske salady.
Olar:
- júze almasańyz, belden joǵary sýǵa túspeńіz;
- balalardy qaraýsyz qaldyrmańyz;
- mas kúıіnde shomylmańyz;
- beıtanys jerlerde shomylmańyz;
- jaǵadan alys júzbeńіz;
- túnde shomylmańyz.