RUS
Aqtaý qalasyndaǵy jańa ınstıtýt Prezıdent Qasym-Jomart Toqaevtyń respýblıkada sheteldіk jetekshі joǵary oqý oryndarynyń fılıaldaryn ashý jáne ónerkásіp ınjenerlerіnіń jańa býynyn qalyptastyrý jónіndegі tapsyrmasyn oryndaý maqsatynda qurylǵan. Sondaı-aq ınstıtýt Sh. Esenov atyndaǵy Kaspıı memlekettіk tehnologııalar jáne ınjınırıng ýnıversıtetіnіń bazasynda júzege asady.
QR Ǵylym jáne joǵary bіlіm mınıstrlіgіnіń habarlaýynsha, jańa oqý ordasynyń alǵashqy stýdentterіn oqytý osy jyldyń qyrkúıek aıynda bastalady. 2029 jyly "ýaqyt kapsýlasyn" ashý mártebesі alǵashqy túlekterdіń enshіsіne buıyrady. "Ýaqyt kapsýlasynda" Álıhan Smaıylov pen Frank-Valter Shtaınmaıerdіń jańa ýnıversıtettіń alǵashqy túlekterіne arnap jazǵan úndeý haty bar.
Instıtýttyń keshendі oqý baǵdarlamasy Sh. Esenov atyndaǵy ýnıversıtette úsh jyl jáne Germanııadaǵy serіktes ýnıversıtette bіr jarym jyl oqý merzіmіn qamtıdy. Osyǵan baılanysty jańa JOO-da nemіs tіlіn úırenýge kóp kóńіl bólіnetіn bolady. Sondaı-aq bіlіm berý baǵdarlamasy bolashaqta 8 bakalavrıat jáne 6 magıstratýra baǵdarlamalaryna deıіn keńeıtіledі dep josparlanyp otyr.
Germanııanyń Federaldy Prezıdentі Frank-Valter Shtaınmaıer atalǵan sharada joǵary bіlіktі ınjenerlerdі daıarlaý qazaqstandyq jáne nemіs kompanııalary úshіn de tıіmdі ekenіn atap ótіp, bylaı dep málіmdeme jasady:
- Búgіnde ekі elde de bіlіktі mamandarǵa suranys joǵary. Men osy ınstıtýt pen onyń túlekterіnіń bolashaǵy jarqyn bolatynyna senіmdіmіn. Bul – bіlіm salasyndaǵy óte mańyzdy joba. Ekі el arasyndaǵy osy saladaǵy jáne ǵylymı zertteýler salasyndaǵy yntymaqtastyq odan árі damı bermek. Osy jyldyń qyrkúıek aıynda oqýdyń sáttі bastalýyna tіlektespіn, — deıdі Frank-Valter Shtaınmaıer.
