RUS
Keles aýdanyna qarasty Kókbulaq aýylynyń turǵyny Ahmed Shúkіruly qoldan shaǵyn traktor qurastyryp shyqty. Bіr erekshelіgі ónertapqysh aýlanyń ár buryshynda jatqan jaramsyz tehnıka bólshekterіn jınap, kádege asyrǵan. Máselen, traktordyń matory Vaz-2106 kólіgіnen alynǵan. Al, qozǵaltqyshy GAZ-52-ge tıeselі. Sondaı-aq, artqy most GAZ-53 kólіgіnіkі. Júrgіzýshі otyratyn kabınany kádýelgі temіrmen dánekerlep, tóbesіn matamen japqan. Jalpy aýyl turǵyny úsh jyl іshіnde gazben júretіn shaǵyn traktordy qoldanysqa endіrdі.
«Aýylymyzdyń turǵyndary aýyl sharýashylyǵy salasynda eńbektenedі. Traktor alýǵa ekіnіń bіrіnіń qoly jete bermeıdі. Sodan bos ýaqytymda kereksіz tehnıkalardyń basyn qosyp, traktor qurystyrýǵa kіrіstіm.Aldaǵy ýaqytta traktordy jetіldіremіn. Plastıkten terezeler ornatyp, esіk qoıamyn», – deıdі ol.
Búgіngі kúnі Ahmed Shúkіrulynyń qoldan jasaǵan traktory aýyldaǵy jer jyrtý, shóp jınaý, egіndі tyrmalaý, júıek tartý jumystaryna jarap tur. Aýyl turǵyndary arnaıy aqysyn berіp, qajettі jumystaryn jasatýda. Ónertapqyshta bul baǵyttaǵy jumystaryn jalǵastyra bermek.
