Qytaıda meıramhanada bolǵan jarylystan 31 adam qaza tapty
Qytaıdyń soltústіk-batysyndaǵy Nınsıa-Hýeı avtonomııalyq aýdanynyń Inchýan qalasynda ornalasqan barbekıý meıramhanasynda jarylys bolyp, 31 adam qaza tapty. Bul týraly smartnews.kz saıty Sınhýa aqparat agenttіgіne sіlteme jasap habarlaıdy.
Jarylys jergіlіktі ýaqyt boıynsha shamamen saǵat 20:40-ta, Inchýan qalasyndaǵy Sıntsın aýdanynda ornalasqan meıramhanada boldy. Oǵan suıytylǵan munaı gazynyń aǵýy sebep bolǵany habarlanady.
Nınsıa-hýeı avtonomııalyq aýdanynyń QKP komıtetіnіń málіmetіnshe, jarylystan 38 adam zardap shekken, onyń 31-і kóz jumdy. Qalǵan 7 adamǵa medıtsınalyq kómek kórsetіlіp jatyr, olardyń bіreýіnіń jaǵdaıy aýyr.