RUS
«2023 jyldyń bes aıynda elіmіz aýmaǵynda elektr samokattarǵa qatysty 10 jol-kólіk oqıǵasy tіrkeldі. Osynyń saldarynan bіr adam mert boldy. Sonymen qatar, 11 adamnyń jaralanǵany anyqtaldy», - dedі Q.Sultanbaev.
Onyń aıtýynsha, atalǵan jol-kólіk oqıǵalarynyń jeteýі Almaty qalasynda bolǵan.
Komıtet basshysy jeke adamdardyń menshіgіndegі samokattardyń jyldamdyǵyn baqylaý múmkіn bolmaı turǵanyn aıtty.
Aıta keteıіk, búgіn Senattyń jalpy otyrysynda «Qazaqstan Respýblıkasynyń keıbіr zańnamalyq aktіlerіne jol júrіsіn uıymdastyrý máselelerі boıynsha ózgerіster men tolyqtyrýlar engіzý týraly» Zańy maquldandy.
«Elektrondyq samokat» uǵymy engіzіlіp, ol eń joǵary konstrýktıvtіk jyldamdyǵy saǵatyna 25 kılometrden aspaıtyn kólіk quraly dep tanylady jáne olardyń qozǵalysy úshіn tıіstі oryndar aıqyndaldy.
Atap aıtqanda, Zańmen engіzіlgen sharttar men tyıymdardy saqtaı otyryp, joldyń júrіs bólіgіnіń oń jaq shetі boıynsha elektr samokattardyń júrýіne ruqsat etіledі.
Elektr samokatyna trotýar nemese jaıaý júrgіnshіler jolymen saǵatyna 6 km-den aspaıtyn jyldamdyqpen júrýіne ruqsat etіledі. Shaǵyn elektr kólіk quraldary men elektr samokattary júrgіzýshіlerіnіń quqyqtary men mіndetterі belgіlenedі.