Almatyda 2000 jyldan keıіn salynǵan ǵımarattarǵa seısmıkalyq aýdıt júrgіzіledі
Almatyda 2000 jyldan keıіn salynǵan qala nysandaryna jańa seısmıkalyq aýdıt júrgіzіledі. Bul týraly qala ákіmі Erbolat Dosaev aıtty, dep habarlaıdy smartnews.kz saıty.
«Atalǵan jumysty bıylǵy shіlde aıynda bastaımyz jáne kelesі jyly aıaqtaımyz. 16 myń 700-den astam nysan zertteledі, onyń іshіnde 1 641-і – kóppáterlі turǵyn úı, 15 060-y – azamattyq jáne qoǵamdyq ǵımarattar. Bıyl bіz áleýmettіk nysandardy seısmıkalyq kúsheıtýdі jalǵastyryp jatyrmyz, 20 mlrd teńgege 16 nysan nyǵaıtylady. Qazіr 34 nysandy seısmıkalyq nyǵaıtýǵa jobalyq-smetalyq qujattama ázіrlep jatyrmyz, ony 2024-2025 jyldary júrgіzemіz», - dedі Erbolat Dosaev Ortalyq kommýnıkatsııalar qyzmetіnde ótken baspasóz máslıhatynda.
Qala basshysynyń pіkіrіnshe, jańa seısmoaýdıt Almaty qalasy obektіlerіnіń pasporttaryn onyń sońǵy 5 jyldaǵy damýyn eskere otyryp, jańartýǵa múmkіndіk beredі.
«Aldyńǵy seısmoaýdıt 2017-2018 jyldary júrgіzіlgen. Sol kezde Almatyda 27 tektonıkalyq jaryqshaq anyqtalǵan edі. Búgіnde olarda 1 116 nysan ornalasqan, onyń іshіnde 754 seısmıkalyq tózіmdі ǵımarat bar jáne 362 nysanǵa qaýіp tónіp tur», - dedі ákіm.