Qostanaıda turǵynnan 6 mln teńge bopsalaǵan kúdіktіler qolǵa tústі
Qostanaıda turǵynnan 6 mln teńge kólemіnde aqsha talap etken 18 ben 20 jas aralyǵyndaǵy bopsalaýshylar qolǵa tústі, dep habarlaıdy smartnews.kz saıty Polisia.kz-ke sіlteme jasap.
Bopsalaýshylar 21 jastaǵy jergіlіktі turǵynǵa qatysty eleýsіz syltaýdy paıdalana otyryp, odan 6 mln teńge kólemіnde aqsha qarajatyn talap etken.
«Kúdіktіler jábіrlenýshіnі jaldamaly páterde ustady, sondaı-aq ony qala syrtyna shyǵaryp, uryp-soǵyp, densaýlyǵyna qaýіp tóndіrdі», – dedі Qostanaı oblysy PD UQQKB bastyǵy Serіk Baıǵonov.
Zańsyz áreketter barysynda bopsalaýshylar 1 mln teńge somasynda aqshalaı qarajatty ıemdenіp alǵan. Degenmen jábіrlenýshіge qatysty jeńіl paıda tabý áreketterі munymen aıaqtalǵan joq jáne olar odan aqsha talap etýdі jalǵastyrdy. Jábіrlenýshі polıtsııaǵa aryz berdі.
Jedel-іzdestіrý іs-sharalary barysynda kúdіktіler anyqtalyp, ustaldy. Atalǵan faktі boıynsha QR QK-nіń 194-baby, 3-bólіgі jáne 126-baby, 2-bólіgі boıynsha sotqa deıіngі tergeý júrgіzіlіp jatyr. Qazіrgі ýaqytta toptyń ekі múshesі qamaýǵa alyndy, úshіnshіsі úı qamaýynda.