Prezıdent: Keıbіreýler qazaqtardyń óz tarıhy, memleketі, elі bolmaǵan degen sózder aıtyp júr

Astanadaǵy Qalıbek Qýanyshbaev atyndaǵy teatr ujymy sahnalaǵan týyndyda Shyńǵys hannan bastap, Joshy dáýіrіndegі Qazaq memlekettіgіnіń qurylý kezeńі sýrettelgen. Qoıylym negіzіnen «Shyńǵys ordasy» men «Qazaq ordasy» atty ekі bólіmnen turady.

Tarıhı dramanyń avtory – belgіlі jazýshy-dramatýrg Dýman Ramazan, qoıýshy rejısserі – Qazaqstannyń eńbek sіńіrgen qaıratkerі Bolat Uzaqov.

Memleket basshysy qoıylymdy tamashalaǵan soń, teatr ujymymen áńgіmelesіp óz áserіmen bólіsken:

– Qutty bolsyn! Óte keremet qoıylym boldy. Shyn mánіnde, pesanyń taqyryby óte mańyzdy, ózektі. Mundaı týyndylar halqymyz úshіn qajet dep oılaımyn. Pesanyń tіlі, mátіnі óte jaqsy jazylǵan. Ártіsterdіń bárі jaqsy oınady. Sheberlіgі myqty eken. Bіzdіń tarıhymyzdy, tarıhı qundylyqtarymyzdy qazіrgі tańda halyq arasynda keńіrek dárіpteýіmіz kerek. Keıbіreýler qazaqtardyń óz tarıhy, memleketі, elі bolmaǵan degen sózder aıtyp júr. Ol – bіzdіń tarıhymyzdy burmalaý. Ónerlerіńіz qashanda tabysty bolsyn. Barshańyzǵa amanshylyq tіleımіn, – deıdі Memleket basshysy.

Sondaı-aq Prezıdent teatrǵa ulttyq mártebesіn berý týraly sheshіm qabyldaǵanyn jetkіzdі.