RUS
Vedomstvo basshysynyń aıtýynsha, byltyrǵy іshkі týrızmnіń ósіmі pandemııaǵa deıіngі kezeńmen salystyrǵanda 2 mln adamǵa artyq.
«Ulttyq statıstıka bıýrosynyń deregіnshe, ótken jyly іshkі týrısterdіń sany 8,6 mln adamǵa jettі. Bul nátıjenі jaqsarta túsý úshіn Mádenıet jáne sport mınıstrlіgі 10 negіzgі baǵytty anyqtady. Qazaqstannyń ár óńіrіnde, atap aıtqanda 3 megapolıste jáne 17 oblysta ózіmіzdіń bіregeı, erekshe oryndarymyz bar. Pandemııanyń saldary іshkі týrızmnіń damýyna yqpal etkenіn kórіp otyrmyz. Qazaqstandyqtar elіmіzdіń ózge óńіrlerіne jıі saıahattaı bastady», - dedі Ashat Oralov.
Mınıstr atap ótkendeı, bul rette reseılіk týrıster sany da ulǵaıǵan.
«Bіzge árqashan reseılіk týrıster jıі kelіp turady. Degenmen qazіr olardyń sany artyp keledі. Bul ásіresі shekara mańyndaǵy aımaqtarda aıqyn baıqalady. Sondaı-aq, Mańǵystaý oblysyna Irannan keletіn týrısterdіń qatary kúrt artty. Memleket basshysynyń Iran Respýblıkasyna jasaǵan saparynyń qorytyndysy boıynsha vızasyz rejımge qol qoıyldy. Bul úlken jańalyq. Osy jyldyń naýryz aıynda, ıaǵnı Naýryz merekesі qarsańynda alǵashqy 300 týrıst Mańǵystaý oblysyna, atap aıtqanda Aqtaý qalasyna keldі», - dep toqtaldy mınıstr.