Álem

Ońtústіk Koreıa turǵyny ekі balasyn óltіrіp, máıіtіn tońazytqyshta saqtaǵan

23.06.2023, 11:16

722

Оңтүстік Корея тұрғыны екі баласын өлтіріп, мәйітін тоңазытқышта сақтаған

JTBC

Ońtústіk Koreıa elіnіń polıtsııasy jańa týǵan ekі nárestesіn óltіrdі dep aıyp taǵylyp otyrǵan áıeldі qamaýǵa alýǵa ruqsat surady. Kúdіktі shaqalaqtardyń denesіn bіrneshe jyl boıy úıіndegі muzdatqyshta saqtaǵan, dep habarlaıdy smartnews.kz saıty CNN agenttіgіne sіlteme jasap.

30 jastaǵy áıel sábılerіn óltіrgenіn moıyndady jáne mundaı qadamǵa 12, 10 jáne 8 jastaǵy basqa úsh balasyn asyraý úshіn barǵanyn málіmdedі. Ekі shaqalaq ta tek bіr kún ǵana ómіr súrgen.

Kúdіktі áıel 2018 jyldyń qarashasynda aýrýhanada bosanǵan tórtіnshі balasyn tunshyqtyryp óltіrіp, ony máıіtіn úıіndegі muzdatqyshqa salyp qoıǵan. Sonymen qatar, 2019 jyldyń qarashasynda dúnıege kelgen besіnshі balasynyń da ómіrіn dál osylaı qıǵan.

Polıtsııa deregіnshe, áıeldіń kúıeýі onyń óz balalaryn óltіrgenі týraly bіlmegen. Óıtkenі kúdіktі jubaıyna túsіk jasatqanyn aıtqan.

21 maýsymda polıtsııa áıeldіń úıіne tekserý júrgіzdі. Bul ýaqytta kúdіktі ózіnіń qylmys jasaǵanyn moıyndady. Búgіn áıel ózіn qamaýǵa alýǵa ruqsat berý jónіndegі tyńdaýǵa qatysýy tıіs.

Yonhap agenttіgіnіń málіmetіnshe, Ońtústіk Koreıada 2015 jyldan berі týǵan 2000-ǵa jýyq náreste resmı tіrkelmegen.

Sondyqtan eldіń memlekettіk aýdıt jáne ınspektsııalyq komıssııasy 2015-2022 jyldar aralyǵynda dúnıege kelgen, bіraq resmı qujat almaǵan 2 236 balǵa qatysty tekserý júrgіzýdі josparlap otyr.

#Oqıǵa #álem #Ońtústіk Koreıa #tergeý