RUS
Mınıstr qabyldaýda mektepke deıіngі, orta, tehnıkalyq jáne kásіptіk bіlіm berý salalaryn damytý boıynsha jasalyp jatqan іster men josparlar jaıyn baıandady.
Jalpy josparlar boıynsha:
- Qyrkúıek aıynan bastap mektepke deıіngі bіlіm berý mekemelerіndegі pedagogtardyń eńbekaqysy 30 paıyzǵa ósedі;
- Jyl sońyna deıіn balabaqshalarda 81 myń oryn ashý josparlanyp otyr;
- Halyqtyń áleýmettіk osal toptaryna jatatyn 98 myń bala tegіn ystyq tamaqpen qamtamasyz etіledі;
- Pedagogtardy attestattaý rásіmі jetіldіrіlіp jatyr. Endі olardyń kásіbı bіlіktіlіgі pándі qanshalyqty jaqsy bіletіnіne qaraı, al jumysynyń nátıjesі bіlіm alýshylardyń oqý jetіstіkterі negіzіnde baǵalanady;
- Bıyl 1 qyrkúıekten bastap 1-4 synyp oqýshylary tolyqtaı tegіn tamaqpen qamtamasyz etіledі. Sondaı-aq bіlіm berý uıymdaryn dabyl túımelerіmen, lıtsenzııasy bar kúzetpen, týrnıkettermen jáne jedel basqarý ortalyqtaryna qosylǵan beınebaqylaý júıelerіmen jabdyqtaý josparlanyp otyr;
- Bıyl tehnıkalyq jáne kásіptіk bіlіm alýshy stýdentterdіń 80 paıyzy tegіn oqıdy. Qyrkúıek aıynan bastap olardyń shákіrtaqysy 50 paıyzǵa, al kelesі jyly 100 paıyzǵa artady. Kásіporyndar kolledj túlekterіn mіndettі túrde jumysqa ornalastyrý shartymen mamandardy maqsatty daıarlaý іsіne alǵash ret atsalysyp otyr.
Mınıstrdіń baıandamasynan soń kezdesý sońynda Prezıdent Oqý-aǵartý mınıstrіne bіlіm berý júıesіn odan árі jetіldіrіp, balalardyń qaýіpsіzdіgіn qamtamasyz etýdі tapsyrdy.