RUS
Qaıǵyly oqıǵa ótken aptada Norýolk qalasynda bolǵan, bіraq ol týraly endі ǵana belgіlі boldy. Jergіlіktі polıtsııanyń habarlaýynsha, 31 jastaǵy Lora Ilg 911 nómіrіne qońyraý shalyp, dıspetcherge júktіlіktіń 33 aptasynda ekenіn jáne ekі jasar uly arqasyna oq atqanyn habarlaǵan.
Oqıǵa ornyna polıtsııa qyzmetkerlerі onyń alǵashqy qońyraýynan úsh mınýt ótken soń 13:14-te jetken. Anasy da, ekі jasar uly da joǵarǵy qabattaǵy jatyn bólmeden tabylady. Tapansha da sonda bolǵan. Anasynyń ótіnіshі boıynsha uly bólmeden shyǵarylǵan.
Júktі áıel Fısher Tıtýs medıtsınalyq ortalyǵyna jetkіzіlіp, shuǵyl túrde kesar tіlіgі jasaldy. Loranyń іshtegі balasy 911 qyzmetіne qońyraý shalǵannan keıіn bіr saǵatqa jetpeı qaıtys bolǵany anyqtaldy, al áıeldіń ózі saǵat 17:10-da kóz jumdy.
Uly anasyn SIG Sauer P365 tapanshasymen atqan. Ilg pen onyń kúıeýі myltyq jatyn bólmedegі týmbochkada saqtalǵanyn aıtty. Polıtsııanyń habarlaýynsha, úıde taǵy 12 kalıbrlі sholaq myltyq pen pnevmatıkalyq tapansha bolǵan.
Eshqandaı aıyp taǵylǵan joq. Polıtsııa tergeý nátıjesі jergіlіktі prokýratýraǵa berіletіnіn málіmdedі.