RUS
BQO polıtsııa departamentі baspasóz qyzmetіnen túsken málіmetke qaraǵanda, 1975 jylǵy túrkııalyq azamat 2 jyldan astam ýaqyt boıy Atyraý oblysynda vızasyz turyp, qurylys alańdarynda jumys іstegen.
Respýblıkalyq «Zańsyz kelýshі» jedel-aldyn alý іs-sharasy Oralda qolǵa túsken túrkııalyq azamatqa qatysty ákіmshіlіk hattama toltyrylyp, el aýmaǵynan shyǵarý týraly sottyń sheshіmі shyǵaryldy.
«Atalmysh іs-shara bastalǵaly úsh kúnnіń іshіnde kóshі-qon zańnamasyn buzǵan 159 quqyq buzýshylyq anyqtaldy. Sonyń іshіnde 85 sheteldіk respýblıka aýmaǵynda bolý erejesіn buzǵan. Al 63 qazaqstandyq azamat sheteldіkterdі qabyldamaǵanymen, ýaqytynda polıtsııaǵa habarlama túsіrmegenі úshіn ákіmshіlіk jaýapkershіlіkke tartyldy. Oǵan qosa sheteldіk jumys kúshіn zańsyz jumysqa tartqan 11 oblys turǵyny QR Ákіmshіlіk quqyq buzýshylyq týraly kodeksіnіń 519-baby 1-bólіgіne sáıkes jaýapqa tartyldy. Jeke basyn kýálandyratyn qujattary bolmaǵan 22 sheteldіk qabyldap-taratý ortalyǵyna ornalastyryldy. Tіrkeý merzіmі ótіp ketken 9 sheteldіk sot sheshіmіmen májbúrlі túrde elden shyǵaryldy. Sondaı-aq Oral qalasynda mas kúıіnde ekі reseılіk azamat aıdap kele jatqan 2 avtokólіk toqtatyldy. Olarǵa da qatysty ákіmshіlіk shara qabyldandy», - dep habarlady vedomstvodan.