RUS
Anglııanyń ońtústіgіndegі áıgіlі tastan jasalǵan qurylysqa uqsaıtyn, kólemі jaǵynan úsh fýtbol alańyna teń keletіn qasıettі oryn topyraq pen aǵashtan turǵyzylǵan.
Arheologtar bul jerden janýarlar qańqasyn, adamnyń bas súıekterі jáne naızanyń ushy sııaqty qundy zattardy tapty.
Qazba jumystary Rotterdamnan shyǵysqa qaraı 70 shaqyrym jerde ornalasqan Tıl qalasynyń mańynda júrgіzіlgen.
«Eń úlken qorǵan Anglııadaǵy áıgіlі Stoýnhendj tastary sııaqty kún kúntіzbesі qyzmetіn atqarǵan. Bul kıelі jer jyldyń erekshe kúnderі atalyp ótetіn, yrymyn jasap, qaıtys bolǵandardy jerleıtіn asa mańyzdy oryn bolsa kerek. Sherýlerge arnalǵan joldardyń boıynda qatar-qatar baǵanalar tur», - delіngen Tıl qalasy ákіmshіlіgіnіń habarlamasynda.
2017 jyly qazba jumystary kezіnde de arheologtar bіrneshe beıіttі tapqan. Mamandar tas ǵasyry, qola dáýіrі, temіr dáýіrі, Rım ımperııasy jáne orta ǵasyrlarǵa jatatyn mıllıonnan astam qazylǵan zatty zertteýge alty jyl ýaqyt jumsady.
Qurylys jumystaryn jalǵastyrý úshіn qazba jumystary aıaqtalǵannan keıіn alańnyń betі qaıta jabylǵan.
Tabylǵan zattardyń bіr bólіgі jergіlіktі Tıl murajaıyna jáne Nıderland Ulttyq kóne jádіgerler murajaıyndaǵy kórmege qoıylady.