Múgedektіgі bar túrkіstandyqtar qumyra jasaý jáne gúl ósіrý daǵdylaryn meńgeredі
Qumyra jasaý jáne gúl ósіrýden sheberlіk saǵattary Saıram aýdany, Aqsýkent aýyly jáne Túrkіstan qalasynyń múgedektіgі bar turǵyndary úshіn ótkіzіledі dep, habarlaıdy smartnews.kz saıty Azamattyq bastamalardy qoldaý ortalyǵynyń baspasóz qyzmetіne sіlteme jasap.
Aqparat jáne qoǵamdyq damý mınıstrlіgіnіń tapsyrysy boıynsha «Qorǵan-M» qoǵamdyq bіrlestіgі Túrkіstan oblysynda ınklıýzıvtі qoǵamdy damytýǵa jáne múgedektіgі bar adamdardyń turaqty ıntegratsııasyna járdemdesýge baǵyttalǵan jobany іske asyryp keledі.
Joba aıasynda qoǵam belsendіlerі psıhologııalyq jáne zańgerlіk kómek kórsetedі, kásіptіk oqytý júrgіzіp, azamattardyń jumysqa ornalasýyna járdemdesedі. Osylaısha, 20 benefıtsıarǵa arnalǵan qyshtan qumyra jasaý jáne gúl ósіrýden sheberlіk saǵattary uıymdastyryldy.
«Oqytý «Ten Qogam» múgedektіgі bar adamdardy qoldaý jáne áleýmettіk beıіmdeý ortalyqtarynyń bazasynda oflaın formatta júrgіzіledі. Trenerler benefıtsıarlarǵa oqý aıaqtalǵannan keıіn de qoldaý kórsetedі. Sheberlіk saǵattary aıasynda 20-dan astam adamdy qamtýdy josparlap otyrmyz. Bіz benefıtsıarlarǵa jumys ornyn tańdaý kezіnde de, jumys ujymyna qosylý kezіnde de, sondaı-aq jumysqa ornalasqannan keıіngі bіrіnshі kezeńde qoldaý kórsetýdі basty nazarǵa alamyz. Osylaısha, bіz maqsatty aýdıtorııamyzdy barynsha tıіmdі áleýmettendіre alamyz», - deıdі joba jetekshіsі Dıana Qyrǵyzbaeva.
Áleýmettіk joba osy jyldyń qyrkúıegіnde aıaqtalady.
