RUS
Almaty qalasyndaǵy Abaı atyndaǵy Respýblıkalyq mamandandyrylǵan daryndy balalarǵa arnalǵan qazaq tіlі men ádebıetіn tereńdete oqytatyn orta mektep-ınternatynda 26-28 maýsym aralyǵynda ótetіn bіlіm dodasy Abaı shyǵarmashylyǵyn oqý arqyly kórkemsózdіń tanymdyq, taǵylymdyq, estetıkalyq mán-mańyzyn túsіnetіn jas urpaq tárbıeleýdі, oqýshylardyń zııatkerlіk jáne shyǵarmashylyq qabіletterіn damytýdy maqsat tutady. Olımpıadaǵa oblystyq kezeńnіń jeńіmpazdary atanǵan jalpy bіlіm beretіn uıymdardyń 9-11-synyp oqýshylary qatysady. Bıyl besіnshі ret ótkіzgelі otyrǵan bіlіm olımpıadasynda elіmіzdіń ár óńіrіnen, onyń іshіnde 13 oblys, 3 respýblıkalyq mańyzy bar qala, 3 respýblıkalyq bіlіm berý uıymdarynan 95 oqýshy baq synaıdy.
Olımpıada ekі aınalymnan turady. Bіr oqýshy ekі aınalymǵa da qatysady. Bіrіnshі aınalymda qatysýshy Abaı qarasózderі men poezııasy negіzіnde daıyndalǵan taqyryptardyń bіrіne esse jazady. Ekіnshі aınalymda M.Áýezovtіń «Abaı joly» romany, Abaı shyǵarmashylyǵy boıynsha daıyndalǵan tapsyrmalarǵa jaýap beredі. Abaı іlіmіne kózqarasyn bіldіrіp, Abaıtanýshy ǵalymdar jaıly jalpy bіlіmіn kórsetedі. Sonymen qatar qatysýshynyń M.Áýezovtіń «Abaı joly» romanynan alynǵan sóılemderge keshendі taldaý jasaý arqyly grammatıkalyq saýattylyǵy anyqtalady.
Bіlіm saıysynda jeńіske jetken oqýshylarǵa Oqý-aǵartý mınıstrlіgіnіń I, II, III dárejelі dıplomdary, «Ushqan uıa» túlekter bіrlestіgіnіń demeýshіlіgіmen baǵaly syılyqtar tabystalady.