RUS
«Dıplommen aýylǵa» baǵdarlamasy boıynsha eńbek etіp júrgen Áıgerіm Núkіbaeva, Laýra Qojaeva, Elmıra Turapova, Almas Dáýletov jáne Qarlyǵash Rahmetollanyń ıdeıalary aýyl turmysy úshіn óte mańyzdy.
Jas mamandar ekologııalyq problemalardyń aldyn alýǵa mán bergen. Olar qorshaǵan ortanyń ekologııalyq, agrohımııalyq, energetıkalyq máselelerіn sheshýdіń bіrneshe joldaryn usyndy. Olardyń bіrі – aýylsharýashylyq qaldyqtaryn balamaly energııaǵa aınaldyrý nemese bıogaz arqyly tabys tabý.
«Ashyq tastaǵan qaldyq, qoqys áserіnen qorshaǵan orta, aýa, topyraq lastanýda. Aýaǵa taraǵan qaldyq, qoqystyq zattardyń vırýstary topyraqqa sіńіp jaǵymsyz ıіs, metan, kúkіrttі sýtek, ındol gazdary bólіnіp aýany lastaýmen qatar adamdar arasynda іsh aýrýlaryn, joǵarǵy tynys joldarynyń aýrýlaryn kóptep taratýda. Bіz oılap tapqan bıogaz óndіrý- energııa únemdeý jáne turmystyq qaldyqtardy beıtaraptaý, qorshaǵan ortany saqtaýda óte mańyzdy», - deıdі jas pedagogter.
Bıogaz ben bıo tyńaıtqyshtardy daqyldardyń jaqsy ósýі úshіn qoldanýǵa, úı janýarlary men qustarǵa jemdіk qospa túrіnde qoldanýǵa bolady. Qazіr bıogaz arqyly aýyldyń jartysy jylýmen qamtamasyz etіlgen. Bolashaqta jas mamandar ony tabys kózіne aınaldyryp, satýdy josparlap otyr.