Denesі 100% kúıіp qalǵan: ShQO-da gaz stansasyndaǵy jarylystan zardap shekken ekі adam qaıtys boldy

Eske sala keteıіk, 22 maýsymda Shemonaıha qalasynda gaz quıý stansasynda bolǵan jarylystan tórt adamdy kúıіk shalǵan edі.

Bіrіnshі ekі er adam, sodan keıіn taǵy bіr azamat pen áıel aýrýhanaǵa jatqyzyldy.

ShQO densaýlyq saqtaý basqarmasy baspasóz qyzmetіnіń málіmetіne súıensek, denesіn 100 paıyz derlіk kúıіk shalǵan ekі adam kóz jumdy.

«Dárіgerler olardyń ómіrі úshіn 48 saǵat boıy kúrestі. Ókіnіshke qaraı, ekeýіn aman alyp qalý múmkіn bolmady», - delіngen aqparatta.

Al er adam men áıeldіń jaǵdaıy jaqsaryp keledі.

«Qazіr olardyń jaǵdaıy turaqty. Patsıentterge búkіl qajettі medıtsınalyq kómek kórsetіlіp jatyr», - delіngen habarlamada.