Nazarbaev pen Lýkashenkonyń telefon arqyly sóıleskenіne QR SIM túsіnіk berdі
Syrtqy іster mınıstrlіgіnіń resmı ókіlі Aıbek Smadııarov Tuńǵysh Prezıdent Nursultan Nazarbaev pen Belarýs basshysy Aleksandr Lýkashenkonyń telefon arqyly ekі eldіń qarym-qatynasyn talqylaǵanyna qatysty tіlshіler suraǵyna jaýap berdі, dep habarlaıdy smartnews.kz saıty.
«Belarýs Prezıdentі Tuńǵysh Prezıdenttіń kópten bergі úzeńgіlesі. Ózderіńіz bіletіndeı, syrtqy saıasatty, onyń іshіnde shet memlekettermen qarym-qatynasty aıqyndaý Qazaqstan Prezıdentі Qasym-Jomart Toqaevtyń quzyretіnde. Sondyqtan Qazaqstan-Belarýs qarym-qatynasy tek qazіrgі prezıdentter arasynda talqylanady», - dedі Aıbek Smadııarov mınıstrlіkte ótken baspasóz máslıhatynda BAQ ókіlderіnіń saýalyna jaýap bere turyp.
Onyń aıtýynsha, Qazaqstan men Belarýs elі arasyndaǵy qarym-qatynas strategııalyq sıpatqa ıe.
«Kún tártіbіnde problemalyq máseleler joq. Ekі el arasyndaǵy barlyq deńgeıdegі turaqty jáne basqa da baılanystar saqtalady», - deıdі ol.