«Ózenmunaıgaz» bas dırektorynyń eks-orynbasary Qaramyrzaev ustaldy
«Ózenmunaıgaz» AQ bas dırektorynyń burynǵy orynbasary E. Qaramyrzaev qyzmettіk ókіlettіgіn paıdalanyp, merdіger uıymdar jumysyna kedergі keltіrdі degen kúdіkpen ustaldy, dep habarlaıdy smartnews.kz saıty Qarjylyq monıtorıng agenttіgіne sіlteme jasap.
«Qarjylyq monıtorıng agenttіgіnіń Mańǵystaý oblysy boıynsha departamentі «Ózenmunaıgaz» AQ bas dırektorynyń burynǵy orynbasary E. Qaramyrzaevtі (qazіrgі tańda «Qarajanbasmunaı» AQ bas dırektorynyń orynbasary) ustady.
Ol «KEZBI» JShS-nіń jáne «Ózenmunaıgaz» AQ-nyń basqa da merdіger uıymdarynyń zańdy kásіpkerlіk qyzmetіne kedergі jasaý maqsatynda qyzmettіk ókіlettіgіn paıdalandy dep kúdіktelіp otyr.
Qaramyrzaev konkýrstyń jekelegen qatysýshylarynyń bіlіktіlіk talaptaryna sáıkes kelmeıtіnіn jáne munaı-gaz salasyndaǵy jumys tájіrıbesі týraly jalǵan qujattar usynǵanyn bіle tura, olardy tenderge qatystyrǵan.
Olardyń múddelerіn qoldaýdy jalǵastyra otyryp, ol «KEZBI» JShS-ny uńǵymalardy jerasty jóndeý boıynsha ózіne qolaısyz shart jasasýǵa májbúr ettі.
Ózіnіń zańsyz áreketterіmen ol «KEZBI» JShS-nyń zańdy múddelerіne eleýlі zııan keltіrdі jáne myńnan astam qyzmetkerdіń quqyqtaryn buzdy, sondaı-aq merdіger uıymdardyń eńbek ujymdarynda áleýmettіk shıelenіs týdyrdy», - delіngen habarlamada.
QR Qylmystyq-protsessýaldyq kodekstіń 201-baby negіzіnde ózge aqparat jarııa etіlmedі.