RUS
Oqıǵa ótken juma, 23 maýsymda Qaraǵandy oblysy Nura aýdany Qaınar aýyldyq okrýgіnde bolǵan. Jergіlіktі turǵynnyń bіrі Qulan ózenіnen aqbókenderdіń óleksesіn kórgen. Sol kúnі keshke Qaraǵandy oblystyq orman sharýashylyǵy jáne janýarlar dúnıesі aýmaqtyq ınspektsııasynyń mamandary keldі. Belgіlі bolǵandaı, ózende 86 aqbókennіń bıylǵy tólі sýǵa batyp ketken.
«23 maýsymda Qulan ózenіnde sýda 86 bas aqbóken tólderіnіń óleksesі tabyldy. Komıssııa quramynda: Qaraǵandy oblystyq orman sharýashylyǵy jáne janýarlar dúnıesі aýmaqtyq ınspektsııasynyń, Nura aýdanynyń tabıǵatty qorǵaý polıtsııasynyń, «Ohotzooprom» RMQK, kenttіń veterınarııalyq ınspektsııasy jáne Qaınar aýyldyq okrýgі ákіmdіgіnіń qyzmetkerlerі tekserý júrgіzdі. Ólgen janýarlardyń óleksesіnde ydyraý іzderі bar, bul olardyń jynysyn, oq tıgen-tımegenіn anyqtaýǵa múmkіndіk bermedі (qylmystyq іzder joq)», - dep málіmdedі ETRM orman sharýashylyǵy jáne janýarlar dúnıesі komıtetіnіń Qaraǵandy oblystyq orman sharýashylyǵy jáne janýarlar dúnıesі aýmaqtyq ınspektsııasynyń basshysy Abzal Baltabaev.
Mamandar aqbókenderdіń óleksesіn arnaıy polıgonǵa shyǵaryp, joıyp jіberdі. Boljam boıynsha, olardyń jappaı qyrylýyna jas aqbókenderdіń ózendegі ótkelden óte almaýy sebep bolǵan. Inspektsııa habarlaǵandaı, bul ýchaskede sý astynda tereń jar bar.
«Sýǵa batyp ketken tólder tym jas bolǵandyqtan ótkelden júzіp óte almaǵan bolýy múmkіn», - deıdі mamandar.
