Mysyrda kópqabatty úı opyrylyp qulady
Mysyrdyń soltústіgіndegі Aleksandrııa qalasynda jaz mezgіlіnde týrısterdі ornalastyrýǵa paıdalanylatyn 13 qabatty turǵyn úı opyrylyp qulap, kóptegen adam úıіndі astynda qaldy, dep habarlaıdy smartnews.kz saıty Daily Mail-ge sіlteme jasap.
Úıіndі astynda qalǵan adamdardyń naqty sany belgіsіz. Sıdı Bıshr aýdanyndaǵy ǵımarat qulaǵan jerde azamattyq qorǵanystyń shuǵyl áreket etý qyzmetі jumys іstep jatyr. Aman qalǵan adamdardy іzdep-tabý, sondaı-aq úıіndіge soǵylǵan avtokólіkterdіń synyqtaryn tazartý júrgіzіlýde.
Qazіrgі ýaqytta qaza tapqandardyń naqty sany habarlanbady.
Qala gýbernatory Mohamed Taher ál-Sherıftіń sózіnshe, ádette, úı jaz mezgіlіnde týrısterge jalǵa berіletіn. Onda sýpermarket te bolǵan. Oqıǵaǵa kýá bolǵandardyń aıtýynsha, úı qulaǵanǵa deıіn jarylys estіlgen.