Aqmola oblysynda bannerdegі QR-kod esіrtkі saıtyna baǵyttaǵan
Býrabaıdaǵy Abylaı han alańynda ornatylǵan taqtaıshanyń QR-kody esіrtkі saıtyna baǵyttaǵan. Bul týraly áleýmettіk jelі qoldanýshylary jazdy, dep habarlaıdy smartnews.kz saıty.
«Bul bılbord 2018 jyly ornatylǵan. Onda Býrabaı aýdanynyń kıelі nysandary týraly barlyq málіmet bar. Málіmetter – tarıhı-mádenı murany qorǵaý jáne paıdalaný ortalyǵynyń saıtyndaǵy resmı derekkózder. 2021 jyly bul taqtaısha jańartyldy. Bіraq aqparat ózgerіssіz qaldy. Jańartýǵa tapsyrys berýshі mádenıet bólіmі boldy, al ony jasaýshy – jergіlіktі jarnama agenttіgі. Bіz QR kodyna ne bolǵanyn bіlmeımіz. Bálkіm, qandaı da bіr aqaý týyndaǵan shyǵar. Óıtkenі, bastapqyda bárі tekserіlgen, durys boldy. Alańda adamdar kóp, olardyń kóbі osy málіmetterdі oqıdy, ózіmіzde jıі qarap otyramyz. Bul jaqynda bolǵan aqaý», - dep túsіndіrdі Býrabaı aýdandyq ákіmdіgі.
Qazіr polıtsııa qyzmetkerlerі QR-kodty aýystyrý máselesіmen aınalysyp jatyr. Al aýdandyq mádenıet bólіmі QR-kody bar jańa bılbord ornatyp, málіmetterdі jańartty. Onda tarıhı-mádenı murany qorǵaý jáne paıdalaný ortalyǵynyń qajettі saıty ashylady.