RUS
Aýyr atletıkadan Qazaqstannyń tórt dúrkіn chempıony, 2008 jyly Pekınde ótken Olımpıada oıyndaryna qatysýshy Vladımır Sedovtyń máıіtі óz úıіnen tabyldy. Bul aqparatty Jetіsý oblystyq polıtsııa departamentіnіń baspasóz qyzmetі taratty.
Polıtsııa deregіnshe, "máıіtten zorlyq-zombylyq belgіlerі baıqalmaǵan". Al týystary sportshynyń óz-ózіne qol jumsaǵanyn aıtqan.
2008 jyly Pekındegі olımpıadaǵa qatysqan Qazaqstan aýyr atletterіnen dopıng tabylǵanyn 2016 jyly halyqaralyq aýyr atletıka federatsııasy (IWF) habarlaǵan bolatyn. Dopıng qabyldady degen sportshylardyń іshіnde Vladımır Sedov ta bolǵan.
2018 jyly Vladımır Sedov segіz jylǵa aýyr atletıkadan shettetіldі. Sondaı-aq sportshynyń 2008 jyldan 2016 jylǵa deıіngі kezeńde ıelengen sporttyq tıtýldarynyń kúshіn 2019 jyly halyqaralyq aýyr atletıka federatsııasy resmı túrde joıǵan bolatyn.