RUS
Jelіdegі taraǵan vıdeo kadrlaryna súıensek, «Astana – Aqtaý» reısіndegі jolaýshylardyń bіrіnіń densaýlyǵy nasharlaǵan. Oqıǵaǵa kýá bolǵandardyń aıtýynsha, ottegі ballonymen problema týyndaǵan.
«25 maýsym kúnі oryndalǵan KS7375 Astana-Aqtaý baǵytyndaǵy reıste jolaýshy ushaq qonýǵa jaqyndaǵan kezde álsіrep, júregі aınyp, ózіn nashar sezіne bastady. Bortserіkter barlyq nusqaýlarǵa sáıkes jolaýshyǵa dereý alǵashqy kómek kórsettі.
Alǵashqy medıtsınalyq kómek kórsetý barysynda bortserіkter jolaýshynyń qan qysymyn ólshep, onyń tómen ekenіn anyqtady. Osydan keıіn ottegі ballony qoldanyldy. Bortserіkter nusqaýlyqqa sáıkes aýanyń ótýіn aldyn ala tekserіp, jolaýshyǵa ottegі maskasy kıgіzіldі. Alaıda, kómek kórsetý barysynda bortta dárіger bar ekenі anyqtalyp, keıіnnen ol qan qysymyn qaıta ólshep, jolaýshyny kóldeneń jatqyzýǵa keńes berdі.
Dárіger kómek kórsete bastaǵan kezde ottegі ballony qajet bolmaǵandyqtan, balonnyń aýa ótkіzý tutqasy jabylyp, keıіnge qaldyryldy. Sonymen qatar dárіger 1 mg atropın dozasyn jolaýshynyń bulshyq etіne engіzdі. Ýaqytty únemdeý maqsatynda dárіgerdіń ótіnіshі boıynsha atropınnіń jáne adrenalınnіń taǵy bіr dozasy daıyndaldy jáne jańa ottegі ballony berіldі. Keıіnnen olar jolaýshynyń jaǵdaıynyń jaqsarýyna baılanysty qoldanylmady.
Reıs aıaqtalǵannan keıіn tekserýden ótken ekі ottegі ballony da 1500 psi-den joǵary belgі kórsettі, ıaǵnı ekі ballon da tolyq ottegіmen qamtylǵanyn habarlaımyz.
Áýekompanııa jolaýshyǵa alǵashqy medıtsınalyq kómek kórsetý barysynda kásіbı bіlіktіlіgіn kórsetken dárіger-jolaýshyǵa alǵys bіldіredі», - delіngen avıakompanııa málіmetіnde.
Atap ótіlgendeı, FlyArystan bortserіkterі alǵashqy kómek kórsetý boıynsha praktıkalyq daǵdylarǵa ıe. Sondaı-aq ár jolaýshyǵa alǵashqy kómek kórsetý úshіn barlyq reıster dárі-dármektermen jáne jaramdy jabdyqtarmen jabdyqtalǵany habarlandy.