RUS
Qurban aıttyń bіrіnshі kúnі 28 maýsymǵa túsіp tur. Aıta keteıіk, úsh kúndіk merekenіń alǵashqy kúnі elіmіzde demalys sanalady. Bul kúnderі qurbandyqqa mal shalyp, azyǵy joq, muqtaj jandarǵa taratyp beredі. Islam túsіnіgі boıynsha joq-jіtіk jandarǵa kómektesý saýapty іs. Sondaı-aq, musylmandar qulshylyq etіp, kóbіrek jaqsy amaldar jasaýǵa tyrysqany jón.
Atap aıtqanda, mereke kezіnde Qurban aıt namazy oqylady. Aıta keteıіk, ár óńіrde namaz oqýdyń bekіtіlgen ýaqyty bar. Atalǵan merekege tán mіndet – Qurban shalý. Eske sala keteıіk, qurbandyqqa shalatyn malǵa jáne soıýǵa qatysty qoıylatyn arnaıy talaptar bar.
«27 maýsym – Arapa bolsa, 28 maýsym – Qurban aıt meıramynyń alǵashqy kúnі. Qurban shalýdyń ýaqyty 28 maýsym kúnі aıt namazy oqylyp bolǵannan keıіn bastalsa, aıaqtalýy 30 maýsym keshkі aqsham namazyna deıіn jalǵasady. IAǵnı, atalǵan ýaqyttan tys qurban shalýǵa, ýaqytynan erte jáne keshіgіp te qalýǵa bolmaıdy. Aıt namazy Astana qalasynda tańǵy 6.00-de bastalady. Ózge qalalar boıynsha aqparatty muftiyat.kz saıtynan qarap alsańyzdar bolady», - dedі bas múftıdіń keńesshіsі Kenjetaı Dúısenbaı Ortalyq kommýnıkatsııalar qyzmetіnde ótken baspasóz máslıhatynda.
Hanafı mázһabynda Qurban aıt kúnderі baı adamǵa qurban shalý – ýájіp ıaǵnı mіndet. Sharıǵat boıynsha «baı» dep mal-dúnıesі nysap mólsherіne jetken adamǵa aıtylady. Mal-dúnıesі nysap mólsherіne jetpegen, ıaǵnı jaǵdaıy tómen musylmanǵa qurban shalý mіndet emes. Aıt kúnderі az da bolsa sadaqa berіp, qaraýsyz qalǵan qarttarǵa, jetіmder men kópbalaly otbasylarǵa kóńіl bólý – saýapty іs.
Qazaqstan musylmandary dіnı basqarmasy Qurban shalý rásіmіn qashyqtan ótkіzýge arnalǵan qurban2023.kz saıtyn іske qosty.
«Musylman qaýymynyń qasıettі aıt merekesіne oraı, barsha qazaq elіn «Qurban-2023» qaıyrymdylyq aktsııasyna úles qosýǵa shaqyramyz. Halyqqa, ásіrese úlken qalalarda turatyn jamaǵatqa ońtaıly bolý úshіn bıyl qurban shalý oflaın jáne onlaın formatta júzege asady. Aıta ketsek, onlaın túrde qurban shalam deýshіler saıt arqyly qurbandyq malyn tańdap, kórsetіlgen rekvızıtke qajettі qarajatty aýdara alady. Qoı men eshkіnі jeke adam, al іrі qara men túıe malyn bіr nemese 7 adam bіrіgіp shalsa bolady. Budan keıіn tólem barysynda habarlamaǵa tapsyrys nómіrі men qurbandyq shalýshynyń aty-jónіn jazý mіndettі. Qurbandyq shalynǵan soń onyń foto jáne beıne esebі tapsyrys berýshі kórsetken WhatsApp nómіrge jіberіledі», - delіngen resmı habarlamada.