RUS
«Qazіr dіnge bet buryp, namazǵa kelgen, hıdjap kıgen óner adamdary, aqyndar, qoǵam belsendіlerі arnaıy dіnı bіlіmі bolmasa da bloger bolyp, áleýmettіk jelі arqyly kóp elge aqyl aıtyp júr. Tіptі dástúrlі dіnge jat pátýalar, tujyrymdar aıtylyp qalyp jatady. Osyǵan bіr baqylaý bar ma? Arnaıy uıymdar qadaǵalaı ma?», - dep surady joba avtory.
Áýelі Naýryzbaı qajy hıdjap degen sózdіń ornyna oramal uǵymyn qoldaný oryndy ekenіn aıtty.
«Sіz hıdjap dep qaldyńyz. Qazaqshasy oramal ǵoı. Bіz áıel balasynyń bas kıіmіn oramal dep aıtamyz. Qazaq halqynyń kelіn túskende basyna oramal salatyn salty bar. Osy oramalǵa qatysty aıtsaq, musylman dіnіnde áıel balasynyń oramalmen júrýі – negіzgі sharttardyń bіrі. Sondyqtan oramal taqqan kez kelgen qyzdy syılaımyz, qadіrleımіz. Keıbіr oramal kıgen qyzdardyń qatelіgіn búkіl oramal kıgen qaýymǵa jabýǵa bolmaıdy. Analarymyz árqashan oramalyn basynan tastamaǵan. Qazіr de ondaı analar jeterlіk. Oramal týraly aıtqan kezde osy jaǵyn eskerý kerek dep oılaımyn», - dedі QMDB tóraǵasy.
Bas múftı dіnı máselege pátýa aıtý kóldeneń kók attynyń quzyryndaǵy sharýa emes ekenіn basa aıtty.
«Jalpy pátýa berý – jaýapkershіlіgі óte joǵary dúnıe. Sondyqtan pátýa berýde adam óte saq bolý kerek. Kez kelgen adamnyń áleýmettіk jelіge shyǵyp, «mynaý bolady», «mynaý bolmaıdy» dep sóıleýі óte qıyn másele. Árıne, dіndar adamdar kіtapqa súıenedі. «Ekі molda talassa, daýdy kіtap sheshedі», - degen keremet sóz bar qazaqta. IAǵnı, pátýa sharıǵı negіzde berіlý kerek. Islam dіnіndegі suraqqa jaýap berýshі kez kelgen adam Quranmen, nemese paıǵambar aıatymen, ǵalymdardyń bergen pátýasy arqyly jaýap berý kerek. Ondaı sіltemelerdі bіlmese, esіnde saqtaǵany arqyly pátýa aıtýdan saq bolǵany kerek. Este saqtaǵan dúnıenіń bіr máselesі umytylyp qalsa, burmalanyp ketýі múmkіn», - dedі Naýryzbaı qajy Taǵanuly.