Aqmola oblysynda Qola dáýіrіnde jerlengen adamnyń súıekterі tabyldy
Aqmola oblysynda «Qazynaly qazba - ult qundylyǵy» jobasy aıasynda júrgіzіlgen arheologııalyq qazba jumystary kezіnde Qola dáýіrіnde jerlengen adamnyń súıekterі men áshekeı buıymdary tabyldy, dep habarlaıdy smartnews.kz saıty.
Aqmola oblysy mádenıet basqarmasynyń Tarıhı-mádenı murany qorǵaý jáne paıdalaný ortalyǵy mamandarynyń aıtýynsha, Qyzyluıym aýyly mańyndaǵy qorǵandy qazý barysynda, ońtústіk sektordaǵy sur daqty ashý kezіnde 1,7h0.65 m adamnyń jerlengenі anyqtaldy. Adam súıegі oń jaǵymen, basy soltústіk-batysqa qaraı qaratyp, qol-aıaǵy búgіlgen kúıde ornalasqan.
«Nashar saqtalǵan osteologııalyq qaldyqtar tabyldy, onyń іshіnde bas súıektіń bólіkterі, bіlek súıekterі, aıaqtyń tіrsek súıekterі, azdap jambas súıekterі jarym-jartylaı saqtalǵan. Súıek qaldyqtarynyń moıyn bólіgіnde 20-dan astam pastaly monshaqtary (alqa) tabyldy. Jerleý erekshelіkterіne súıene otyryp, ýaqyt kezeńі qola dáýіrіne jatady dep boljaýǵa bolady (b.z.d. alǵashqy 1-2 myń jyldyq). Bul nusqanyń tolyq rastalýy qorǵandy tolyq zerttep, tabylǵan jádіgerlerge tıіstі taldaý júrgіzgennen keıіn belgіlі bolady», - dep túsіndіrdі ortalyq mamandary.
