RUS
Tıіstі zańdy ótken jyldyń sońynda parlament qabyldaǵan bolatyn.
Jańa týǵan nárestenі nól jastan tіrkep, sodan keıіn týǵan kúnіnde bіr jastan qosyp otyratyn álemdіk jasty esepteý júıesі Ońtústіk Koreıada 1960 jyldan berі qoldanylyp keledі. Degenmen, ol tek medıtsınada qoldanylady – naýqastyń fızıkalyq jasyn anyqtaý úshіn, sondaı-aq sotta jáne basqa da salalarda daýlar bolǵan kezde.
Kóptegen basqa jaǵdaılarda, mysaly, jas koreılіkke alkogoldі qaı ýaqyttan bastap satýǵa bolatynyn bіlý úshіn dástúrlі júıeler qoldanylady. Ońtústіk Koreıada ondaı júıe ekeý. Bіrіnshіden: jańa týǵan nárestege bіr jas «taǵaıyndalady», sodan keıіn aı kúntіzbesі boıynsha jańa jyldyń bіrіnshі kúnі bіr jas qosylady. Ekіnshіden: týǵan kezde nól jas jazylady, al ár jyldyń 1 qańtarynda jasy ulǵaıtylady.
Nátıjesіnde, 28 maýsymda bolatyn standartty jas sanaý júıesіne kóshken kezde, eldіń keıbіr turǵyndary qujattar boıynsha bіr jyl nemese tіptі ekі jyl joǵaltady. Mysaly, 2002 jyly 31 jeltoqsanda dúnıege kelgen Koreıa azamaty 8 jeltoqsanda halyqaralyq júıe boıynsha 19 jasqa toldy, al respýblıkada qabyldanǵan ekі júıe boıynsha – 20 nemese 21 jasta, dep jazady Time jýrnaly.