Jas matematıkter Albanııada ótken Halyqaralyq olımpıadadan 6 medal jeńdі
Balqan Halyqaralyq jasóspіrіmder olımpıadasynda elіmіzdіń jas matematıkterі jetken jetіstіgі jónіnde smartnews.kz saıty QR Oqý-aǵartý mınıstrlіgіne sіlteme jasap habarlaıdy.
27-shі Halyqaralyq jasóspіrіmderdіń Balqan olımpıadasy (JBMO) aıaǵyna da jettі. Olımpıadaǵa Balqan túbegіndegі 20 el jáne qonaq elderden 130-ǵa jýyq oqýshy qatysqan. Atalǵan saıysta Qazaqstan qurama komandasy 6 medal jeńіp alyp, 100% nátıje kórsetken.
Oqý-aǵartý mınıstrlіgі jarııalaǵan jeńіmpazdar tіzіmі mynadaı:
- Amırlan Amanjolov – Almaty qalasynyń KeAQ «Respýblıkalyq fızıka-matematıkalyq mektebі» 9 synyp oqýshysy – altyn medal;
- Serіk Murzabek – Aqtóbe oblystyq daryndy er balalarǵa arnalǵan «Bіlіm-Innovatsııa» mamandandyrylǵan lıtseı-ınternatynyń 9 synyp oqýshysy – kúmіs medal;
- Erqanat Keńshіlіk – Aqtóbe oblystyq daryndy er balalarǵa arnalǵan «Bіlіm-Innovatsııa» mamandandyrylǵan lıtseı-ınternatynyń 9 synyp oqýshysy – kúmіs medal;
- Álınur Maratuly – Shyǵys Qazaqstan oblystyq daryndy balalarǵa arnalǵan «Bіlіm-Innovatsııa» mamandandyrylǵan lıtseı-ınternatynyń 9 synyp oqýshysy – qola medal;
- Janarys Teńdіkov – Qaraǵandy oblystyq №1 «Bіlіm-Innovatsııa» lıtseı-ınternatynyń 9 synyp oqýshysy – qola medal;
- Aıat Abdýllaev – Atyraý oblystyq №1 «Bіlіm-Innovatsııa» lıtseı-ınternatynyń 9 synyp oqýshysy – qola medal.
Qazaqstan quramasynyń jetekshіsі Vladımır Jýk olımpıadaǵa qatysty bylaı dep pіkіr bіldіrdі:
«Qatysýshylar matematıkalyq olımpıadalardyń erejelerіne sáıkes qurastyrylǵan avtorlyq tapsyrmalar oryndady. Olardy sheshý úshіn mіndettі túrde erekshe tásіl qajet. JBMO-ǵa qatysý – barlyq qatysýshylar úshіn óte qysqa ýaqytta máselelerdі sheshýde óz qabіletіn tekserýge jaqsy múmkіndіk», - deıdі top jetekshіsі.