RUS
Bosqynnyń Qurandy órteýdegі negіzgі maqsaty álі túsіnіksіz, bіraq onyń aıtýynsha, ol bul іsіmen Shvetsııaǵa zııan tıgіzgіsі kelmeıtіn kórіnedі.
Stokgolm polıtsııasy apellıatsııalyq sottyń sheshіmіnen keıіn musylmandardyń Qurban aıt merekesіnіń bastalýyna sáıkes keletіn aktsııany ótkіzýge ruqsat bergen. Áýelde polıtsııa bul іs qoǵamdyq arazdyqty týdyrýy múmkіn degen qaýіpten seskenіp, aktsııany ótkіzýge ruqsat etpegen. Keıіnnen uıymdastyrýshylar sotqa júgіnіp, ekі aptadan soń aktsııany ótkіzýge ruqsat alǵan.
Qurbaı aıt qarsańynda uıymdastyrylǵan aktsııada Qurandy órtegen 37 jastaǵy musylman Salvan Momıka esіmdі Irak bosqyny.
"Men Stokgolmdegі Bas meshіttіń aldynda óz qarsylyǵymdy kórsetіp, Quranǵa qatysty óz pozıtsııamdy kórsetkіm keledі. Men kіtapty jyrtamyn da, aıaýsyz órteımіn", - degen ótіnіshtі musylman bosqyn polıtsııa departamentіne joldaǵan.
Eske sala ketsek, buǵan deıіn qańtar aıynda Danııa azamaty, ásіreońshyl saıasatker, "Stram Kurs" antııslam partııasynyń lıderі Rasmýs Palýdan Túrkııa elshіlіgіnіń aldynda Quran kіtabyn órtep jіbergen bolatyn. Ol kezde Shvetsııa polıtsııasy lıderge aktsııa ótkіzýge ruqsat etkenmen, kіtapty órteýge ruqsat etіlmegenіn málіmdegen. Jaǵdaı Shvetsııadaǵy jáne álemdegі barsha musylman qaýymnyń ashýyn týdyrǵan rezonans boldy.
Atalǵan jaǵdaıdan soń Túrkııa prezıdentі Rejep Taıyp Erdoǵan Shvetsııanyń NATO-ǵa kіrý týraly ótіnіshіne qarsylyq tanytqan bolatyn. Qurban aıt meıramyndaǵy ekіnshі aktsııanyń saldary Shvetsııanyń NATO-ǵa kіrý ótіnіshіn taǵy da qanaǵattandyrmaýy múmkіn.