RUS
Mádenıet jáne sport mınıstrlіgі Týrızm ındýstrııasy komıtetіnіń habarlaýynsha, jyl bastalǵany 3670 onlaın-kazıno saıttaryn buǵattaýdan bólek, sot sheshіmіnіń negіzіnde 5 býkmekerlіk keńse men 2 totalızatordyń lıtsenzııasy toqtatylǵan. Buǵan lıtsenzııalyq alymdy tóleý boıynsha qaryzdar, oıyn aımaqtarynan tys tіrkeý, mіndettі rezervtіń bolýy boıynsha talaptardy oryndamaý jáne basqa da buzýshylyqtar negіz bolǵan.
2022 jyly Týrızm ındýstrııasy komıtetі 4 oıyn avtomattary zalyna qatysty jospardan tys tekserýler júrgіzgen bolatyn. Tekserý nátıjelerі boıynsha, 1 zal jabylyp, lıtsenzııadan aıyrylsa, 3 zaldyń qyzmetі toqtatylyp, 6 ákіmshіlіk aıyppul salynǵan.
Mádenıet jáne sport vıtse-mınıstrі Erjan Erkіnbaev atalǵan іske qatysty mynadaı málіmdeme jasady:
«Jasyratyny joq, onlaın-kazınolar, atap aıtqanda, olardyń jarnamalary ońaı jeńіske jetýge ýáde berіp, qumar oıynshylardan aqsha tabýǵa tyrysady. Buǵan qarsy turý úshіn bіz ınternette monıtorıng júrgіzemіz, sondaı-aq olardyń qoldanystaǵy lıtsenzııalaryn tekseremіz. Mysaly, 4 býkmekerlіk keńsenіń, 3 totalızatordyń jáne 1 oıyn avtomattary zalynyń lıtsenzııalaryn joıý jumystary júrgіzіlіp jatyr», - deıdі vıtse-mınıstr.
Eske sala ketsek, 2019 jyly elde ınternet-resýrstardy monıtorıng júrgіzý úshіn «Kıbernadzor» aqparattyq júıesі іske qosylǵan. Júıe bіrneshe memlekettіk organdarǵa, sonyń іshіnde Mádenıet jáne sport mınıstrlіgіne ınternet-kazınolardy jedel anyqtaýǵa, sonymen qatar anyqtalǵan saıttarǵa tyıym salý múmkіndіgіn berdі.