RUS
«Zańda («Zańsyz ıemdelgen aktıvterdі memleketke qaıtarý týraly») sýbektіlerge qatysty ólshemshart naqty aıqyndalǵan. Eger sіz ataǵan famılııa, bul otbasynyń múshelerі osy ólshemsharttarǵa kіretіn bolsa, onda mіndettі túrde zań talaptary olarǵa qatysty qoldanylady», - dedі Ulan Baıjanov Senattyń jalpy otyrysynan keıіn tіlshіler suraǵyna jaýap bere otyryp.
Budan buryn habarlanǵandaı, búgіn Senattyń jalpy otyrysynda palata depýtattary «Zańsyz ıemdelgen aktıvterdі memleketke qaıtarý týraly» Zańdy maquldady.
Zańda aktıvterdі qaıtarýdyń erіktі nemese májbúrlі tártіbі kózdelgen.
Zańnyń negіzgі maqsaty – Qazaqstan Respýblıkasynyń aýmaǵynda da, odan tys jerlerde de zańsyz ıemdelgen aktıvterdі qaıtarý úshіn zańnamalyq parametrlerdі aıqyndaý, sondaı-aq olardy zańsyz ıemdenýge jáne shyǵarýǵa yqpal etken jaǵdaılardy joıý.
Senattyń Konstıtýtsııalyq zańnama, sot júıesі jáne quqyq qorǵaý organdary komıtetіnіń málіmetіne qaraǵanda, qujat aıasynda aktıvterdі shyǵarý salasyndaǵy quqyq buzý derekterіn anyqtaý, jolyn kesý, ashý jáne tergep-tekserý, aktıvterdі qaıtarý jónіndegі halyqaralyq-quqyqtyq yntymaqtastyqty damytý, qaıtarylǵan qarajatty qoǵamnyń ıgіlіgі úshіn tıіmdі paıdalaný, ekonomıkalyq resýrstardyń zańsyz shoǵyrlanýyna, aktıvterdі zańsyz shyǵarýǵa yqpal etken sebepter men jaǵdaılardy anyqtaý eskerіlgen.
Bas prokýratýranyń qurylymynda zańsyz shyǵarylǵan aktıvterdі qaıtarý jónіndegі jeke vedomstvo qurylady.
Ol osy saladaǵy ýákіlettі organnyń fýnktsııalaryn oryndaıdy.
Zańsyz shyǵarylǵan aktıvterdі qaıtarýy tıіs adamdardyń tіzіmі qyrkúıek aıynda belgіlі bolady.