RUS
Joldy bólіse almaǵan kólіkterdіń bіrіnіń júrgіzýshіsі, ekіnshі kólіktіń aldyńǵy shynysyn teýіp syndyrady, keıіn oń jaqtaǵy terezenі judyryǵymen shaǵyp, júrgіzýshіge qoqan-loqy kórsetedі. Vıdeoda áıeldіń kólіk іshіnde bala otyrǵanyn aıtyp, aıǵaılaǵan daýysy estіledі.
Polıtsııa málіmetіne sáıkes, er adam ustalyp, tergeý bastaldy.
«Jambyl aýdanynyń polıtsııa qyzmetkerlerі kúdіktіnі ustady. Ol Almaty qalasynyń 1993 jyly týǵan K. esіmdі turǵyny bolyp shyqty», polıtsııa aqparatynda.
28 maýsym kúnі Jambyl aýdanynyń polıtsııa bólіmіne 1992 jyly týǵan O. esіmdі azamat «Almaty-Bіshkek» avtojolynda saǵat 19:20 shamasynda jol qozǵalysy erejelerіn buzyp, jol-kólіk oqıǵasyn jasaǵan, sonymen qatar buzaqylyq nıetpen kólіgіn búldіrgen belgіsіz adamǵa qatysty sharalar qabyldaýdy surap, aryzben júgіndі.
«Derek QR Qylmystyq kodeksіnіń 293-baby 1-bólіgіnde kózdelgen qylmystyq quqyq buzýshylyq belgіlerі boıynsha bіrden aýdandyq polıtsııada tіrkeldі. Jábіrlenýshіge sot-medıtsınalyq saraptama taǵaıyndaldy. Kúdіktіnіń avtomashınasy Uzynaǵash aýylynyń arnaıy aıyp turaǵyna qoıyldy. Jol-kólіk oqıǵasy faktіsіmen QR Ákіmshіlіk quqyqbuzýshylyq týraly kodekstіń 610-baby 1-bólіgі boıynsha K. esіmdі júrgіzýshіge qatysty ákіmshіlіk іs qozǵaldy», - delіngen habarlamada.
Málіm etіlgendeı, buzaqylyq faktіsіmen túpkіlіktі іs júrgіzý sheshіmіn qabyldaý úshіn tergeý іs-sharalary júrgіzіlіp jatyr.